აჭარის ა/რ ჯანმრთელობისა და სოციალური დაცვის სამინისტრომ დაინტერესებულ მხარეებთან 2016-2019 წლების სტრატეგიული გეგმის საჯარო განხილვა მოაწყო.

სამინისტროს ინფორმაციით, შეხვედრას რეგიონში მოქმედი არასამთავრობო ორგანიზაციების და სამედიცინო დაწესებულებების წარმომადგენლები ესწრებოდნენ.

მათივე ცნობით, სტრატეგიული გეგმის პროექტი მინისტრის პირველმა მოადგილემ ლევან გორგილაძემ და ადმინისტრაციული დეპარტამენტის უფროსმა ირაკლი მახარაძემ წარადგინეს.

„სამინისტრომ სტრატეგიული გეგმის შემუშავება გასულ წელს დაიწყო. აღნიშნული დოკუმენტი დამტკიცების შემდეგ იქცევა სამინისტროს გრძელავადიან სამოქმედო გეგმად, რომელიც ხელს შეუწყობს უწყების ყოველწლიურ საქმიანობას. გეგმის მიზანია გამოკვეთოს პრიორიტეტები და სტრატეგიული მიმართულებები, რომლითაც აჭარის ავტონომიური რესპუბლიკის ჯანმრთელობისა და სოციალური დაცვის სამინისტრო იხელმძღვანელებს პროგრამებისა და ბიუჯეტის შემუშავებისას, აგრეთვე ინსტიტუციური განვითარების პროცესში.

სამინისტროს 2016-2019 წლების ხედვა: აჭარა ჯანმრთელი და სოციალურად დაცული ოჯახებით!

მისია: ჯანდაცვისა და სოციალური მომსახურებისადმი ხელმისაწვდომობის გაზრდა; ხარისხიანი სამედიცინო სერვისების ხელმისაწვდომობის ამაღლება; დასაქმების ხელშეწყობა; სტიქიის შედეგად დაზაზარალებული ოჯახების უსაფრთხო გარემოში ინტეგრირების ხელშეწყობა.

სტრატეგიული მიმართულებები და მიზნები: სამედიცინო მომსახურებისადმი გეოგრაფიული ხელმისწვდომობის შენარჩუნება და გაზრდა რეგიონის მასშტაბით; სხვადასხვა სოციალური კატეგორიის მოსახლეობისათვის სამედიცინო მომსახურებისადმი ფინანსური ხელმისაწვდომობის გაუმჯობესება; დაავადებათა პრევენცია, ჯანსაღი ცხოვრების ხელშეწყობა, საზოგადოებრივი ჯანმრთელობის საფრთხეებისადმი მზადყოფნა და დროული რეაგირება; სოციალური დახმარების ხელმისაწვდომობა გაზრდა; ეკომიგრანტთა უსაფრთხო გარემოში ინტეგრირების ხელშეწყობა; აჭარის ა/რ ტერიტორიაზე უმუშევრობის შემცირების მექანიზმების ხელმისაწვდომობა და უმუშევრობის დონის შემცირება; სამინისტროს ორგანიზაციული განვითარება“, - ნათქვამია აჭარის ჯანდაცვის სამინისტროს განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო