2024-04-19 11:24:04, 388 ნახვა
პოლიტიკა
როთი კობახიძეს - გთხოვთ, გაიწვიოთ კანონპროექტი!
გერმანიის ბუნდესტაგის საგარეო საქმეთა კომიტეტის თავმჯდომარე მიხაელ როთი „ქართული ოცნების“ მიერ "უცხოური გავლენის გამჭვირვალობის შესახებ" კანონპროექტის პირველი მოსმენით მიღებას სოციალურ ქსელში ეხმაურება.
როთი მოუწოდებს ხელსუფლებას, გაიწვიოს კანონპროექტი.
„ძვირფასო, კობახიძე, გერმანიის ელჩმა ჩვენი კანცლერის სწორი ციტირება გააკეთა! მინდა, დაგამშვიდოთ, გერმანიის ბუნდესტაგის აბსოლუტური უმრავლესობა მკაცრად ეწინააღმდეგება "უცხოელი აგენტების კანონს“. გთხოვთ, გაიწვიოთ კანონპროექტი! სრული სოლიდარობა ქართველ ხალხს, რომლებიც დემონსტრაციებს მართავენ ევროკავშირის ღირებულებებისთვის", - წერს გერმანიის ბუნდესტაგის საგარეო საქმეთა კომიტეტის თავმჯდომარე.
ავტორი: ექსპრესნიუსი,
epn.ge (@expressnews.ge)
