"თქვენ შეგიძლიათ შეტევაზეც გადახვიდეთ. როცა სამართლიანობას ებრძვიან, თვენ გაქვთ უფლება თქვენი სიმართლე დაიცვათ", - ამის შესახებ პრემიერ-მინისტრმა ირაკლი ღარიბაშვილმა მთავრობის დღევანდელ სხდომაზე განაცხადა.

მისივე თქმით, პოლიციაზე, სპეცრაზმელებზე და ჯარზე მიზანმიმართული შეტევა ხორციელდება, რაც პრემიერის შეფასებით, ანტისახელმწიფოებრივი საქმიანობაა.

"ის, რაც ბოლო პერიოდში ხდება, ეს არის მიზანმიმართული შეტევა სხვადასხვა ორგანოებზე. თავიდან დაიწყეს პოლიციაზე შეტევა, სპეცრაზმელებზე და შემდეგ ჯარზე გადავიდნენ. ეს არის პირდაპირ ანტისახელმწიფოებრივი საქმიანობა. ამას ძალიან კარგი გაანალიზება სჭირდება და სწორი შეფასება პოლიტიკოსებისა და საზოგადოების მხრიდან. ყოვლად დაუშვებელია, რომ სახელმწიფო ინსტიტუტების ამგვარი დისკრედიტაციის მცდელობას ჰქონდეს ადგილი და გამოკვეთილია ყველა ის პირი, ვინც ამას ღიად და დაფურავად სჩადის.  ვფიქრობ, ადრე თუ გვიან ამას სათანადო პასუხი გაეცემა. ის კამპანია, თუნდაც რაც მინისტრ ჯანელიძის წინააღმდეგ ააგორეს, ყოვლად დაუშვებელია. ჯარი აბსოლიტურად დეპოლიტიზირებულია დღეს საქართველოში. ასევე პოლიცია და სპეცსამსახურები", - აღნიშნა ღრიბაშვილმა.

მან მინისტრებს მოუწოდა, საზოგადოებას უწყებებში  მიმდინარე მოვლენები განუმარტონ.

„მინდა ყველას  მივმართო, რომ მეტი პასუხისმგებლობით მოეკიდონ, როცა განცხადებებს აკეთეენ და მინდა მოგიწოდოთ თვენ, მინისტრებს, რომ მაქსიმალურად განმარტოთ თქვენს უწყებებში იმდინარე ცვლილებები. ჩვენ  რაფერი გვაქვს დასამალი, რასაც ვაკეთებთ, ვაკეთებთ სწორად, თუ შეცდომები მოგვდის, მას ვასწორებთ და  წინსვლას ვაგრძელებთ, უფრო მეტიც, თქვენ შეგიძლიათ შეტევაზეც გადახვიდეთ იმიტომ, რომ როცა სამართლიანობას ებრძვიან პირდაპირი მნიშვნელობით და როცა ვერ იცავენ სახელწმიფო ინსტიტუტებს, თქვენ გაქვთ სრული უფლება, რომ თქვენ  დაიცვათ თქვენი სიმართლე, თქვენ განუმარტოთ საზოგადოებას, თქვენს უწყებებში მიმდინარე მოვლენები", - განაცხადა ღარიბაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა