ჩვენს ქვეყანაში ნებისმიერ ადამიანს აქვს უფლება, გამოხატოს თავისი შეხედულება სხვადასხვა საკითხთან დაკავშირებით, - ამის შესახებ თბილისის მერმა, კახა კალაძემ განაცხადა, რითიც უპასუხა ჟურნალისტის კითხვას - აქვთ თუ არა სპორტსმენებს უფლება, ქვეყანაში მიმდინარე მოვლენებთან დაკავშირებით საკუთარი აზრი დააფიქსირონ.

კალაძის თქმით, ქვეყანაში არიან ჯგუფები, რომლებიც ცდილობენ, სპორტსმენები როგორმე პოლიტიკაში ჩართონ, თუმცა ეს არ გამოუვათ.

„ესენი ძირითადად არიან რადიკალური ჯგუფები, ყველა ვიცით, ვინ არიან, რას წარმოადგენენ. ერთი პატრონი ჰყავთ და ერთი ფრთის ქვეშ არიან. ეს ადამიანები ეწინააღმდეგებიან ქვეყანაში სიმშვიდეს, გამარჯვებას, განვითარებას, წინსვლას, თუმცა არცერთ მტერს არ გამოუვა არაფერი. ქვეყანა განვითარდება, იქნება სიმშვიდე, არანაირი მეორე ფრონტი. როინ ქოჩორაშვილის აღნიშნულ სტატუსთან დაკავშირებით დღეს გავაკეთე განმარტება და მინდა, კიდევ ერთხელ ხაზი გავუსვა, რომ არიან დაჯგუფებები, რომლებიც ცდილობენ, ფეხბურთი, სპორტი, ჩვენი სპორტსმენები როგორმე პოლიტიკაში შემოიყვანონ, თუნდაც განცხადებებით“, - განაცხადა კახა კალაძემ.

ცნობისთვის, თბილისის მერი კახა კალაძე საქართველოს ეროვნული ნაკრების წევრის, ფეხბურთელ გიორგი ქოჩორაშვილისა და მისი მამის, როინ ქოჩარაშვილის მიერ სოციალურ ქსელში გამოქვეყნებულ "პოსტს" გამოეხმაურა და თქვა, რომ როინ ქოჩორაშვილი "ნაცია" და "გახარიას პარტიის წარმომადგენელია".

კალაძემ აღნიშნული განცხადება მას შემდეგ გააკეთა, რაც გიორგი ქოჩორაშვილი და მისი მამა თბილისში, "უცხოური გავლენის გამჭვირვალობის შესახებ" კანონპროექტის წინააღმდეგ გამართულ მარშს  გამოეხმაურნენ. ფეხბურთელმა სოციალურ ქსელში აქ­ცი­ა­ზე გა­და­ღე­ბუ­ლი ფოტო გა­მო­აქ­ვეყ­ნა. როინ ქოჩორაშვილმა კი განცხადება გაავრცელა და თქვა, რომ საქართველოს გზა ევროპაშია.

ავტორი: ექსპრესნიუსი,

სოციალური ქსელები

ნარკოდანაშაულის ბრალდებით ცხრა პირი დააკავეს, ამოღებულია სხვადასხვა სახის განსაკუთრებით დიდი ოდენობით ნარკოტიკი

ურალში პუტინისთვის ბირთვული ომის შემთხვევაში „განკითხვის დღის ბუნკერი“ აშენდა

რუსეთმა კიევსა და მიმდებარე რეგიონზე მასშტაბური სარაკეტო და დრონებით იერიში მიიტანა, რასაც სამი ადამიანი ემსხვერპლა

უნგრეთში ორბანის მთავრობის ორი ყოფილი მინისტრი კორუფციის ბრალდებით დააკავეს