ზუგდიდის მუნიციპალიტეტის ჯანდაცვის კომისიამ მიმდინარე წელს ჯანდაცვის პირველი სხდომა ჩაატარა.

როგორც „ექსპრესნიუსს“ ზუგდიდის მუნიციპალიტეტის გამგეობიდან აცნობეს,  სხდომაზე სულ 316 ბენეფიციარის განაცხადი იქნა განხილული. 
მუნიციპალიტეტის გამგებლის მოადგილის გიზო სართანიას განმარტებით, მუნიციპალიტეტის ჯანდაცვის ბიუჯეტი 2016 წელს გაიზარდა და ის 400 ათას ლარს შეადგენს.

 „ ჩვენ გვეძლევა შესაძლებლობა წელს უფრო მეტ ადამიანს დავეხმაროთ. შევუძინოთ ძვირადღირებული მედიკამენტები, დაუფინანსოთ რეაბილიტაციის კურსები, ოპერაციები, კომპიუტერული გამოკვლევები და “C” ჰეპატიტის დიაგნოსტიკა. 0–18 წლამდე ბენეფიციარები მათთვის საჭირო სამედიცინო მომსახურეობაზე 100 % დაფინანსებას მიიღებენ, წლიური გეგმის შესაბამისად კი გათვალისწინებულია თვეში 15–მდე თერაპიული სეანსის მიღება სრული დაფინანსებით. 
აქვე ამოქმედდა ფენილკეტონურიის და ცელიაკიით დაავადებული 0–18 წლამდე ასაკის ბავშვების სპეციალიზებული საკვებით უზრუნველყოფის პროგრამა, რომლის თვიური ლიმიტი ერთ ბენეფიციარზე 500 ლარის ოდენობით განისაზღვრა.
დაუნის სინდრომით დაავადებულ 18 წლამდე ბავშვთა სარეაბილიტაციო მკურნალობა ერჯერადად 500 ლარის ოდენობით დაფინანსდება“. – განაცხადა გიზო სართანიამ.

დღევანდელ სხდომაზე 316 ბენეფიციარი დაკმაყოფილდა. აქედან უმრავლესობა ძვირადღიერბული მედიკამენტების (166) შეძენას, “C” ჰეპატიტის დიაგნოსტირებას (125) , ოპერაციის დაფინანსებას (6), კომპიუტერულ ტომოგრაფიას (18) და რეაბილიტაციის (1)კურსის დაფინანსებას შეეხებოდა. 
მუნიციპალიტეტის ჯანდაცვის ბიუჯეტიდან აღნიშნული სამედიცინო მომსახურეობებისათვის 80 ათასამდე ლარი გამოიყოფა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი ელენე ხოშტარიაზე - უამრავი თავისუფლებაზე მყოფი ინატრებდა მის ასეთ უშიშარ ხასიათს

ხოშტარია - ოცნება როგორც ჩემს ჯანმრთელობაზე, ასევე თითოეული მოქალაქის ჯანმრთელობის დაზიანებაზე, აუცილებლად აგებენ პასუხს

ვოლსკი - ელენე ხოშტარიას პატარაობიდან ვიცნობ - მტკივა ეგ ამბავი, მაგრამ ასე ეტლში ჩამჯდარი სააკაშვილიც ვიხილეთ

განათლების შესაძლებლობა მომავალი არქიტექტორებისთვის - საქართველოს ბანკის გიორგი ჩახავას სახელობის სასტიპენდიო პროგრამაზე მიღება დაიწყო