2024-04-03 17:02:58, 611 ნახვა

---

შუახევში, ადგილობრივი მნიშვნელობის საავტომობილო გზებზე ბეტონის საფარის მოწყობითი სამუშაოები დაიწყო

შუახევში, ადგილობრივი მნიშვნელობის საავტომობილო გზებზე ბეტონის საფარის მოწყობითი სამუშაოები დაიწყო. ამის შესახებ ინფორმაციას შუახევის მუნიციპალიტეტის მერია ავრცელებს,

მათივე ცნობით, სამუშაო პროცესს, შუახევის მერი ომარ ტაკიძე, აჭარის უმაღლესი საბჭოს დეპუტატთან ფრიდონ ფუტკარაძესთან და თვითმმართველობის წარმომადგენლებთან ერთად სოფელ ბარათაულში გაეცნო.

"საგზაო ინფრასტრუქტურის ბიუჯეტი გასულ წელთან შედარებით 560 000 ლარით გაიზარდა და 2 074 000 ლარს შეადგენს.

ინფრასტრუქტურული ღონისძიებების ფარგლებში, რეაბილიტაცია ჩაუტარდება ადგილობრივი მნიშვნელობის გზებს, მოეწყობა ბეტონის საფარი და რამდენიმე ლოკაციაზე განხორციელდება ფერდამაგრი კედლისა და ახალი გზის მშენებლობა.

მნიშვნელოვანია, რომ სამუშაოებზე დასაქმდება ადგილობრივი მოსახლეობა", - ნათქვამია ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი