საქართველოს პარლამენტის პლენარულ სხდომაზე ცოტა ხნის წინ ხმაური და სიტყვიერი დაპირისპირება იყო. 

დაპირისპირება მას შემდეგ დაიწყო, რაც სხდომაზე "მოქალაქეების" წევრი ალეკო ელისაშვილი გამოეხმაურა საპარლამენტო უმრავლესობის განცხადებას, რომლის მიხედვითაც, "უცხოური გავლენის გამჭვირვალობის შესახებ“ კანონპროექტი საკანონმდებლო ორგანოს ხელახლა წარედგინება.

"იმ კანონის უკან შემოტრიალება ყველას შეურაცხყოფაა. ის კანონი არის რუსული",- თქვა ელისაშვილმა, რასაც უმრავლესობის მხრიდან პროტესტი და დაპირისპირება მოჰყვა.

პარლამენტის თავმჯდომარემ, შალვა პაპუაშვილმა დეპუტატებს მოუწოდა, ტერმინი - "რუსული კანონი" არ გამოიყენონ.

ხმაურისა და დაპირისპირების შემდეგ, პაპუაშვილმა ელისაშვილი დარბაზიდან გააძევა, რის შემდეგაც ტექნიკური შესვენება გამოცხადდა.

პარლამენტის პლენარული სხდომა ამ დროისთვის განახლებულია.

ავტორი: ექსპრესნიუსი,

სოციალური ქსელები

განათლების სამინისტრო - ინფორმაცია სკოლის ტერიტორიების გასხვისებასთან დაკავშირებით, არის სრული სიცრუე

ეროვნული ბანკი სესხების გაცემის წესი გამკაცრებას „მაღალი ეკონომიკური ზრდითა და შედეგად გაზრდილი ხელფასებით“ ხსნის

სესხების გაცემის წესი მკაცრდება

El Mundo: რუსეთის სადაზვერვო სამსახურები შეერთებულ შტატებში ოპოზიციის წარმომადგენლების, კასპაროვისა და პონომარევის მკვლელობას გეგმავდნენ