სასტუმრო პულმან თბილისი აქსის თაუერსი კონფერენცია OpenTalks.AI-ს, რომელსაც ვლადიმერ პუტინის მიერ დაფინანსებული ორგანიზაცია ატარებს, აღარ უმასპინძლებს.

როგორც სასტუმროს განცხადებაშია აღნიშნული, მას შემდეგ რაც მენეჯმენტისთვის ორგანიზაციის შესახებ დამატებითი ინფორმაცია გახდა ცნობილი, მათ კონფერენციის სასტუმროს სივრცეში ჩატარებაზე უარი თქვეს.

"მაღალი საზოგადოებრივი ინტერესიდან გამომდინარე, გვსურს გაცნობოთ, რომ მას შემდეგ რაც ჩვენთვის ცნობილი გახდა დამატებითი ინფორმაცია კონფერენცია OpenTalks.AI შესახებ, სასტუმრო პულმან თბილისი აქსის თაუერსის მენეჯმენტმა მიიღო გადაწყვეტილება აღნიშნული ღონისძიება აღარ ჩატარდეს სასტუმროს ტერიტორიაზე.

გადაწყვეტილება კონფერენციის OpenTalks.AI-ში გაუქმების შესახებ, მიუხედავად პოტენციური ფინანსური შედეგებისა, ხაზს უსვამს პულმანის ერთგულებასა და ურყევ მხარდაჭერას საერთაშორისო თანამშრომლობისა და ღირებულებების პრინციპებისადმი. სასტუმრო ყოველთვის ღიაა უმასპინძლოს ნებისმიერი სახის ღონისძიებას, რომელიც ხელს უწყობს ინკლუზიურობას და ქმნის უსაფრთხო და სტუმართმოყვარე გარემოს", - წერია განცხადებაში.

რუსეთის პრეზიდენტის, ვლადიმირ პუტინის მიერ დაფინანსებული ორგანიზაცია, Skolkovo [Сколково], თბილისში 6-7 მარტს, "დამოუკიდებელი საერთაშორისო კონფერენციის" - OpenTalks.AI-ის ჩატარებას გეგმავს.

ცნობილია, რომ Skolkovo-ს გარდა, ღონისძიების პარტნიორებს შორის შედის რუსული სანქცირებული ბანკი VTB, რუსული ოპერატორი MTS, აშშ-ის მიერ სანქცირებული ბანკი SberBank და კომპანია MegaFon, ასევე კანადის მიერ სანქცირებული მობილური ოპერატორი - Rostelecom.

ამასთანავე, უნდა აღინიშნოს, რომ ორგანიზაცია Skolkovo გასცემს გრანტებს და აფინანსებს პროექტებს ოკუპირებულ აფხაზეთში, სოჭში. ამავე ადგილას გაიმართება მსოფლიოს ახალგაზრდული ფესტივალი, რომელსაც 40 პრორუსი ქართველი დელეგატი დაესწრება.

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა