"ნაცმოძრაობის" დაბრუნება ხელისუფლებაში რჩება სალომე ზურაბიშვილის აუხდენელ ოცნებად,- ამის შესახებ პრემიერ-მინისტრმა, ირაკლი კობახიძემ განაცხადა.

როგორც კობახიძემ ჟურნალისტებს უთხრა, "ვერანაირი შეფუთვით, ენმ-ი ხელისუფლებაში ვერ დაბრუნდება".

"ჩვენი მხარდაჭერა დღეს არის 60%-მდე. მთელი ამ ერთი წლის განმავლობაში 55%-დან 60%-მდე მერყეობდა ჩვენი მხარდაჭერა, რაც არის 2012 წლის შემდეგ ყველაზე მაღალი მაჩვენებელი... შესაბამისად, ასეთ ვითარებაში, ზოგადად, კოალიცია გამორიცხულია. წინ არის კიდევ, დაახლოებით, 7-8 თვე არჩევნებამდე, მაგრამ არსებით ცვლილებებს, ბუნებრივია, არ ველოდებით. აქედან გამომდინარე, რა თქმა უნდა, ოპოზიცია, განსაკუთრებით მისი რადიკალური ნაწილი განწირულია მარცხისთვის. 

მეორე - როცა საუბრობენ კოალიციაზე, აქ სინამდვილეში იგულისხმება "ნაცმოძრაობის" დაბრუნება ხელისუფლებაში. გასაგებია, რაც იგულისხმება ამ ყველაფერში - "ნაცმოძრაობის" გარშემო უნდა შეიქმნას კოალიცია, აქ ჩაერთვებიან სალომე ზურაბიშვილი, "ლელო" და ა.შ. ეს ყველა ერთი ხალხია, ერთი ნიშნით არიან წარმოდგენილები. აქედან გამომდინარე, თუ ვინმე საუბრობს "ნაცმოძრაობის" დაბრუნებაზე ხელისუფლებაში, ეს შეუძლებელია. ვერანაირი შეფუთვით "ნაცმოძრაობა" ვერ დაბრუნდება ხელისუფლებაში.

ერთი ფაქტორი კიდევ ერთხელ, ჩვენი მხარდაჭერა მუდმივად 55%-დან 60%-მდეა. ოპოზიციას რაც შეეხება, "ნაცმოძრაობის" ბოლო რეიტინგი იყო 18%. ვერცერთი სხვა პარტია დღევანდელი მოცემულობით ვერ ახერხებს 5%-იანი ბარიერის გადალახვას. ასეთ პირობებში, "ნაცმოძრაობის" დაბრუნება ხელისუფლებაში რჩება სალომე ზურაბიშვილის აუხდენელ ოცნებად",- თქვა კობახიძემ.

ავტორი: ექსპრესნიუსი,

სოციალური ქსელები

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს

სექსუალურ ძალადობაზე ფედერაციის და კლუბის დუმილი შემზარავია - კოალიცია "ცვლილებისთვის” პასუხისმგებელი პირების დასჯას ითხოვს

ევროკავშირმა ავიაკომპანიები საუდის არაბეთის საჰაერო სივრცეში არსებული საფრთხეების შესახებ გააფრთხილა