საერთაშორისო გავლენიანმა ორგანიზაცია Freedom House-მა ახალი ანგარიში გამოაქვეყნა სადაც საქართველო ვლავ "ნახევრად თავისუფალი" ქვეყანადაა მოხსენიებული. Freedom House-მა  ქვეყანას 100-დან 58 ქული მიანიჭა. 

ანგარიშში წერია, რომ ე.წ აგენტების კანონის მიღება მნიშვნელოვნად შელახავდა გაერთიანებისა და გამოხატვის თავისუფლებას. სწორედ 2023 წელს განვითარებული მოვლენების საფუძველზე საერთაშორისო ორგანიზაციამ საქართველოს პოლიტიკური უფლებების კუთხით 40-დან 22 ქულა მიანიჭა, სამოქალაქო უფლებების კუთხით კი 60-დან 36.

"რეგიონის მასშტაბით რეპრესიული მთავრობები მოსკოვის მაგალითს მიჰყვებოდნენ, ისეთი კანონების ინიციირებით ან ამოქმედებით, რომლებიც დამოუკიდებელ მედიასაშუალებებსა და სამოქალაქო საზოგადოების ორგანიზაციებს "უცხო აგენტებად" უწოდებდნენ. 2023 წლის დასაწყისში საქართველოს მთავრობა ცდილობდა მიეღო კანონპროექტი, რომელიც მნიშვნელოვნად შელახავდა გაერთიანებისა და გამოხატვის თავისუფლებას. კანონპროექტი გაუქმდა მოწინააღმდეგეების მასიური საჯარო დემონსტრაციების შემდეგ, თუმცა მმართველი პარტიის დეპუტატებმა განაცხადეს, რომ კანონმდებლობა შეიძლება ხელახლა წარადგინონ საჯარო კონსულტაციების შემდეგ", - წერს Freedom House.

ანგარიში მოიცავს მსოფლიოში დეტალურ ქვეყნების პოლიტიკური უფლებებისა და სამოქალაქო თავისუფლებების შესახებ 195 ქვეყნისა და 15 ტერიტორიის მთელს მსოფლიოში. ქულები ეფუძნება 100-ბალიან შკალას, 0 წარმოადგენს თავისუფლების ყველაზე დაბალ დონეს. ეს ანგარიში, 51-ე ყოველწლიური გამოცემა, მოიცავს 2023 წელს განვითარებულ მოვლენებს და უზრუნველყოფს გრძელვადიანი ტენდენციების მოკლე ანალიზს.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე