აჭარის რესპუბლიკური ბიუჯეტიდან "სოფლის მხარდაჭერის პროგრამის" ფარგლებში, მუნიციპალიტეტებს 4 194 000 ლარი გადაეცემათ. აღნიშნული პროგრამის შესახებ აჭარის მთავრობის თავმჯდომარემ, თორნიკე რიჟვაძემ დღეს გამართულ მთავრობის სხდომაზე ისაუბრა.   

რიჟვაძის განცხადებით, პროგრამის ფარგლებში, 317 სოფელში განხორციელდება საგზაო ინფრასტრუქტურის, სასმელი წყლის, სარწყავი სისტემების, სანიაღვრე არხების, გარე განათების, სკვერების და წისქვილების მოწყობის პროექტები.

"აქტიურად ვიწყებთ "სოფლის მხარდაჭერის პროგრამის" განხორციელებას. ამ მიმართულებით 4 მლნ ლარზე მეტი დაიხარჯება აჭარის ავტონომიური რესპუბლიკის ბიუჯეტიდან და განხორციელდება ძალიან მნიშვნელოვანი, შეიძლება ითქვას, კრიტიკულად მნიშვნელოვანი პროექტები. თითოეულ სოფელში, 317 სოფელს მოიცავს აღნიშნული პროგრამა. განხორციელდება როგორც სასმელი წყლის, ასევე სარწყავი სისტემების, საირიგაციო, სამელიორაციო და რაც ყველაზე მნიშვნელოვანია, სოფლის შიდა გზების მოწესრიგება, გარე განათების მოწესრიგება, ახალი სკვერები დაემატება სოფლებს. ასევე დაგეგმილია ახალი წისქვილების მშენებლობა. ამ მიმართულებით 5 მუნიციპალიტეტში, აჭარაში, დაიხარჯება 4 მლნ ლარზე მეტი", - აღნიშნა მთავრობის თავმჯდომარემ. 

თორნიკე რიჟვაძის თქმით, სოფლის მეურნეობის მიმართულებით ახლო მომავალში დაიგეგმება საგაზაფხულო სამუშაოები, გატარდება ფაროსანას წინააღმდეგ ბრძოლის ღონისძიებები,  გამხორციელდება მიწის უფასოდ დამუშავების პროგრამა.

"უკვე ვგეგმავთ ნაადრევი საგაზაფხულო სამუშაოების განხორციელებას. წელსაც იმოქმედებს სასოფლო-სამეურნეო დანიშნულების მიწების ხვნა-თესვის პროგრამა. აქტიურად ვიმუშავებთ ფაროსანას წინააღმდეგ გასატარებელი ღონისძიებების ეფექტურად განხორციელების კუთხით. ძალიან მნიშვნელოვანია, რომ თითოეულ ჩვენ მცხოვრებს, რომელსაც გააჩნია საკუთარი მეურნეობა, მაქსიმალური მხარდაჭერა ჰქონდეს სახელმწიფოსგან და მინიმუმამდე იყოს დაყვანილი ის ზიანი, რომელიც ამ დარში, მათ შორის ფაროსანას და სხვა რისკებიდან გამომდინარე არსებობს. ამ მიმართულებითაც სოფლის მეურნეობის სამინისტრო იმუშავეს სხვა უწყებებთან ერთად კოორდინაციაში", - განაცხადა აჭარის მეთაურმა.

ინფორმაციას აჭარის მთავრობა ავრცელებს.

ავტორი: NS (სტატია დაფინანსებულია),

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა