ყველაფერი კეთდება, რომ საზოგადოება შეაჩვიონ მიხეილ სააკაშვილის შესაძლო შეწყალების სცენარს, - ამის შესახებ პარლამენტის თავმჯდომარის მოადგილემ, არჩილ თალაკვაძემ განაცხადა.

თალაკვაძის თქმით, საქართველოს პრეზიდენტმა, სალომე ზურაბიშვილმა "კარგად იცის, რომ ეს გადაწყვეტილება მისთვის პოლიტიკური კატასტროფა იქნება".

"სააკაშვილის შეწყალების, პირველ რიგში, მის მეგობრებს ეშინიათ, რომლებმაც მას ჩამოართვეს თანამდებობა. არ არის გამორიცხული, მაქსიმალურად გაზარდონ ზეწოლა პრეზიდენტზე, რომ მან ეს გადაწყვეტილება მიიღოს. ის, რომ საზოგადოებრივი აზრის მომზადება მიმდინარეობს, სხვადასხვა ადამიანები ეუბნებიან პრეზიდენტს, ოპოზიცია შეიკრიბა, ერთიან მოთხოვნებს აყენებენ, ყველაფერი კეთდება, რომ საზოგადოება შეაჩვიონ შესაძლო შეწყალების სცენარს, თუმცა, ქალბატონმა სალომე ზურაბიშვილმა ძალიან კარგად იცის, რომ ეს გადაწყვეტილება მისთვის იქნება პოლიტიკური კატასტროფა. მან ერთხელ თქვა ძალიან პრინციპულად - "არა და არასოდეს", მაგრამ დღეს უკვე დგას იმ რეალობის წინაშე, როდესაც ამ განცხადების შეცვლა შეიძლება მოუწიოს. სწორედ მისი ლიდერობით, ჩვენ 8-ჯერ 9-ჯერ დავამარცხეთ ეს პოლიტიკური ძალა. ასე რომ, მასთან ერთად, თუ მის გარეშე "ნაციონალური მოძრაობა" მაინც არ შეიცვლის შინაარსს. ჩვენ მზად ვართ კონკურენტული არჩევნებისთვის", - განაცხადა თალაკვაძემ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს