საქართველოს პრეზიდენტის, სალომე ზურაბიშვილის თქმით, ევროკავშირის ინტერესებში შედის, რომ საქართველოს უსაფრთხოებისთვის რუსეთს ხელი შუშალოს, გახდეს ექსკლუზიური ძალა შავი ზღვის რეგიონში.

ამის შესახებ ზურაბიშვილმა მიუნხენის უსაფრთხოების კონფერენციაზე სიტყვით გამოსვლისას განაცხადა.

"ევროკავშირის წევრობა საქართველოსთვის - ეს არის საჭიროება, უსაფრთხოება, ეს გახლავთ ერთადერთი პერსპექტივა ქვეყნისთვის, რომელიც ცივილიზაციის თვალსაზრისით, იზიარებს ევროპულ ღირებულებებს, მაგრამ დღეს მთავარი საკითხი გახლავთ უსაფრთხოება. უსაფრთხოების საჭიროება გახლავთ ის, რასაც უნდა გრძნობდეს ევროკავშირიც", - ამბობს ზურაბიშვილი.

პრეზიდენტი აცხადებს, რომ რუსეთი ახლა რასაც აკეთებს, ეს 2007 წელს იყო გაცხადებული. მისი თქმით, რუსეთმა განაცხადა, რის გაკეთებას აპირებდა და ამას აკეთებს.

"რუსეთი, რასაც ახლა აკეთებს, ეს იყო ფაქტობრივად, გაცხადებული 2007 წელს, რომ ის არ მისცემდა უფლებას დასავლეთს შესულიყო შავი ზღვის რეგიონში. 2008 წელს მოხდა საქართველოს მოვლენები, შემდეგ მოჰყვა ყირიმი, ისევ შავი ზღვის რეგიონი და ომი უკრაინაში. რუსეთმა განაცხადა, რის გაკეთებას აპირებდა და აკეთებს ამას.

ვფიქრობ, რომ უმნიშვნელოვანესია - ევროკავშირის ინტერესებში შედის საქართველოსთვის, საქართველოს უსაფრთხოებისთვის, რომ ხელი შევუშალოთ რუსეთს, რომ გახდეს ექსკლუზიური ძალა შავი ზღვის რეგიონში, რის გაკეთებასაც ის ცდილობს და ეს გახლავთ მნიშვნელოვანი მომავლისთვის, კომუნიკაციისთვის, რომელიც ძალიან მნიშვნელოვანი იქნება მომავალ წლებში, ათწლეულებში. ჩვენ ეს უნდა ავიცილოთ თავიდან, მოვლენების ასეთი განვითარება", - თქვა საქართველოს პრეზიდენტმა.

მიუნხენის უსაფრთხოების კონფერენცია 16 თებერვალს დაიწყო და დღეს დამთავრდება. მასში მონაწილეობას დაახლოებით 50 სახელმწიფო მეთაური იღებს.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს