გარემოს დაცვისა და სოფლის მეურნეობის მინისტრი ოთარ შამუგია ევროკავშირის რეკომენდაციების შესრულების სამოქმედო გეგმის მიმდინარეობას გაეცნო. შეხვედრაზე აღნიშნული მიმართულებით არსებული გამოწვევები განიხილეს და სამომავლო აქტივობებზე იმსჯელეს. ამის შესახებ ინფორმაციას ​გარემოს დაცვისა და სოფლის მეურნეობის სამინისტრო ავრცელებს.

უწყების ცნობით, მინისტრმა ყურადღება ქვეყნისთვის ევროკავშირის რეკომენდაციების შესრულების მნიშვნელობაზე გაამახვილა.

„ევროკავშირის კანდიდატის სტატუსი უმნიშვნელოვანესი ნაბიჯია  ჩვენი ქვეყნის ევროინტეგრაციის გზაზე. ჩვენ ვაგრძელებთ მუშაობას აღებული ვალდებულებების შესრულების მიმართულებით. დღეის მდგომარეობით, ასოცირების შესახებ შეთანხმებით გათვალისწინებული 27 გარემოსდაცვითი რეგულაციიდან, საკანონმდებლო დაახლოება უკვე განხორციელებულია 20 სამართლებრივ აქტთან, ხოლო 7 სამართლებრივ აქტთან დაახლოების მიზნით, აქტიური მუშაობა მიმდინარეობს.

ევროკავშირთან ღრმა და ყოვლისმომცველი თავისუფალი სავაჭრო სივრცის შესახებ შეთანხმების ფარგლებში, 200 ევროკავშირის სამართლებრივი აქტიდან საქართველოს კანონმდებლობა უკვე დაახლოებულია 130-ზე მეტ ნორმატიულ აქტთან, რომელიც ფარავს სურსათის უვნებლობის, ვეტერინარიის და მცენარეთა დაცვის მიმართულებით სხვადასხვა საკითხებს, რომელთა უდიდესი ნაწილი ამოქმედებულია“, - განაცხადა ოთარ შამუგიამ.

შეხვედრას მინისტრის პირველი მოადგილე ნინო თანდილაშვილი, მინისტრის მოადგილეები კახა კაკაბაძე, სოლომონ პავლიაშვილი და სამინისტროს სისტემაში შემავალი შესაბამისი სამსახურების  წარმომადგენლები ესწრებოდნენ.

შეხვედრაზე საუბარი შეეხო: სოფლის მეურნეობისა და სოფლის განვითარების საკითხებს; სურსათის უვნებლობას, ვეტერინარიასა და ფიტოსანიტარიულ პოლიტიკას; ქვეყნის მასშტაბით, მიწის ნაკვეთის იდენტიფიკაციის სისტემის შექმნისა და ლაბორატორიული ტესტირების შესაძლებლობების გაძლიერების საკითხებს; გარემოსა და კლიმატის სექტორში ადმინისტრაციული და ინსპექტირების შესაძლებლობების გაძლიერების კუთხით გადადგმულ ნაბიჯებს; საქართველოს კანონს „წყლის რესურსების მართვის შესახებ,“ რომელიც ევროკავშირის წყლის კანონმდებლობას ეფუძნება; გარემოსდაცვითი ინფორმაციის ფართო საზოგადოებისთვის მიწოდების კუთხით გატარებულ ღონისძიებებს; ჰაერის ხარისხის გაუმჯობესების მიმართულებით გადადგმულ ნაბიჯებს, მათ შორის საქართველოს პარლამენტის მიერ მიღებულ კანონს „სამრეწველო ემისიების შესახებ“; ნარჩენების მართვასთან დაკავშირებულ საკითხებს; ბიომრავალფეროვნების სტრატეგიისა და სამოქმედო გეგმის განახლებას.

ავტორი: NS (სტატია დაფინანსებულია),

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს