სალომე ზურაბიშვილმა ჩაიდინა ღალატი ჩვენი პარტიის თითოეული წევრის თვალში,- ამის შესახებ "ქართული ოცნების" თავმჯდომარემ, ირაკლი ღარიბაშვილმა ცოტა ხნის წინ გამართულ ბრიფინგზე განაცხადა.

ღარიბაშვილის თქმით, საქართველოს პრეზიდენტს "არაფერი არ გაუკეთებია იმისთვის, რომ ქვეყანას კანდიდატის სტატუსი მიეღო".

"ჩვენი გადმოსახედიდან იგი არ ემსახურება ჩვენი სახელმწიფოს ინტერესებს. მან უხეშად დაარღვია კონსტიტუცია არაერთგზის და სამწუხაროდ, აგრძელებს კონსტიტუციის დარღვევას. რა შეიძლება ამაზე გიპასუხოთ გარდა იმისა, რომ სირცხვილია! სირცხვილია ასეთი მოქცევა ევროპაში გაზრდილი ქალბატონისგან და ჩვენი გუნდის და ჩვენი პარტიის დამფუძნებლის პრეზიდენტისგან. ეს უნდა შევახსენო ქალბატონ სალომეს, რომ მისი რეიტინგი იყო 1% და ბატონმა ბიძინა ივანიშვილმა და "ქართულმა ოცნებამ" იგი მოიყვანა პრეზიდენტად. ამის შემდეგ ამ ადამიანმა უღალატა როგორც ადამიანს, ასევე გუნდს, ასევე სახელმწიფოს ინტერესებს...

მას არაფერი არ გაუკეთებია იმისთვის, რომ ქვეყანას მიეღო კანდიდატის სტატუსი. მისი მიზანი იყო, რამენაირად წაეღო დიდი მონაპოვარი - სტატუსი, რომელიც ჩვენ - ხელისუფლებამ მოვიტანეთ ხალხთან ერთად. მაგრამ რა თქმა უნდა, აქაც განიცადა ფიასკო. თავად აირჩია, დამდგარიყო რადიკალურ-ექსტრემისტული ოპოზიციის გვერდით და რა თქმა უნდა, მისი ხვედრიც იქნება შესაბამისი - ისიც იზეიმებს დიდ წაგებას ოპოზიციასთან ერთად",- თქვა პარტიის თავმჯდომარემ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს