მაშინ, როდესაც თქვენ საუბრობთ მეორე ფრონტის პროპაგანდაზე და "ღირსებით ევროპისკენ", რა პასუხი გაქვთ ეროვნული ინტერესების უზრუნველყოფასთან დაკავშირებულ რეალურ გეგმებზე, - ასე მიმართა ოპოზიციონერმა დეპუტატმა, თეონა აქუბარდიამ პრემიერ-მინისტრობის კანდიდატს, ირაკლი კობახიძეს პარლამენტის პლენარულ სხდომაზე.

აქუბარდიას თქმით, ირაკლი კობახიძემ "საკუთარი ოცნება აიხდინა, მაგრამ ხალხის ოცნება კვლავ ასახდენია".

"თქვენ ოკუპაციის განულებას ოცნება უწოდეთ და არა მთავარი ეროვნული ინტერესი და როდესაც ვსაუბრობთ დეოკუპაციაზე, თქვენ არც ერთი სიტყვა ამ პროგრამაში არ გაქვთ, რომ შეიმუშავებთ საერთო ეროვნულ ხედვას დეოკუპაციისთვის ისევე, როგორც არცერთი დაპირება არ გაგიციათ ასობით ათასი დევნილისთვის, რომლის ოცნებაც დეოკუპაციაა და არც ერთი სიტყვა გითქვამთ საოკუპაციო ხაზთან მცხოვრები მოქალაქეებისთვის, რომელთა მდგომარეობაც არის უმძიმესი და რომლის შესახებაც თქვენ პირადად არასდროს არ გქონიათ სურვილი, რომ მათგან მოგესმინათ ეს ყველაფერი.

იმ მოცემულობაში, როდესაც თამაზ გინტურის ოჯახი ელოდება მკვლელების ვინაობის გასაჯაროებას და დასჯას ისე, როგორც ეს ტატუნაშვილი-ოთხოზორიას მთავრობის დადგენილების სიითაა შესაძლებელი, მაინტერესებს, თუ აპირებთ ამ მიმართულებით პასუხის გაცემას ოჯახისთვის და ამ სიის გაფართოებას და მაინტერესებს, მაშინ, როდესაც თქვენ საუბრობთ მეორე ფრონტის პროპაგანდაზე და "ღირსებით ევროპისკენ", რა პასუხი გაქვთ ეროვნული ინტერესების უზრუნველყოფასთან დაკავშირებულ რეალურ გეგმებზე იმიტომ, რომ თქვენ თქვენი ოცნება აიხდინეთ, მაგრამ ხალხის ოცნება კვლავ ასახდენია", - განაცხადა აქუბარდიამ.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს