2024-02-02 17:14:00, 734 ნახვა

---

ჰერჩინსკი - ვიმედოვნებ, რომ კობახიძის მთავრობასთან თანამშრომლობა ისეთივე წარმატებული იქნება, როგორც მისი წინამორბედის მთავრობასთან

გულწრფელად ვიმედოვნებ, რომ ჩვენი თანამშრომლობა პრემიერ-მინისტრ ირაკლი კობახიძის მთავრობასთან იქნება, სულ მცირე, ისეთივე წარმატებული, როგორც მისი წინამორბედის მთავრობასთან, - ამის შესახებ ევროკავშირის ელჩმა, პაველ ჰერჩინსკიმ განაცხადა.

ჰერჩინსკის თქმით, ევროკავშირი სამთავრობო ცვლილებებს ყურადღებით აკვირდება.

"რა თქმა უნდა, ძალიან ყურადღებით ვაკვირდებით სამთავრობო ცვლილებას. მესმის, რომ ირაკლი კობახიძე ჯერ მხოლოდ წარადგინეს პრემიერ-მინისტრობის პოსტზე და გადაწყვეტილებას პარლამენტი მომავალ კვირაში მიიღებს. ასე რომ, ველოდებით ოფიციალურ წარდგენას პარლამენტის მიერ.

უკვე განვაცხადე, რომ ჩვენ, ევროკავშირი, მზად ვართ, ვიმუშაოთ საქართველოს ყველა მთავრობასთან, ყველა პრემიერ-მინისტრთან. ჩვენ ძალიან წარმატებული თანამშრომლობა გვქონდა წინა პრემიერ-მინისტრთან და დროებით მთავრობასთან. გულწრფელად ვიმედოვნებ, რომ ჩვენი თანამშრომლობა მომავალ მთავრობასთან, პრემიერ-მინისტრ ირაკლი კობახიძის მთავრობასთან იქნება, სულ მცირე, ისეთივე წარმატებული, როგორც მისი წინამორბედის მთავრობასთან", - განაცხადა ჰერჩინსკიმ.

შეგახსენებთ,"ქართულმა ოცნებამ" პრემიერ-მინისტრის თანამდებობაზე ირაკლი კობახიძის კანდიდატურა ოფიციალურად გუშინ, 1-ელ თებერვალს წარადგინა, ხოლო პარტიის თავმჯდომარედ  ირაკლი ღარიბაშვილი აირჩია.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი