შენ როდესაც აშენებ ქვეყანას საპარლამენტო მოწყობის და საპარლამენტო მოწყობის ქვეყანაში პრეცედენტი როცა ჩნდება, რომ ყველაზე აქტიური, ყველაზე შედეგიანი პარლამენტარი, საპარლამენტო უმრავლესობის ლიდერი, ყოფილი პარლამენტის თავმჯდომარე გადადის ქვეყნის პირველ პირად სხვა ემოცია, სხვა მოლოდინი ჩნდება იმისა, რომ საპარლამენტო რესპუბლიკაში ეს მიმართულება კიდევ უფრო გაძლიერდება, იმიტომ რომ ირაკლიმ ყველაზე კარგად იცის რას ნიშნავს პარლამენტის როლი, - ასე უპასუხა ფრაქცია „ქართული ოცნების“ თავმჯდომარემ, მამუკა მდინარაძემ „იმედი LIVE=ში“ ჟურნალისტის კითხვას, რომელიც საქართველოს პრემიერ-მინისტრობის კანდიდატს, ირაკლი კობახიძის შეეხებოდა.

მდინარაძის თქმით, ირაკლი კობახიძისათვის საპარლამენტო ზედამხედველობის გაძლიერება ერთ-ერთი პრიორიტეტი იქნება.

„ჩვენ ხომ ბევრჯერ გვილაპარაკია ამაზე, ჩვენ ხომ ბევრი გვიმუშავია არა მხოლოდ კონსტიტუციაზე, კონსტიტუციიდან გამომდინარე კანონებზე, რეგლამენტზე, რეგლამენტში რამდენი ცვლილება შეგვიტანია, რამდენი დაგვინახავს მათ შორის მთავრობასთან ურთიერთობაში, ინტერპელაციის წესია, მინისტრის საათია და კიდევ უამრავი რამ, რაც ხშირ შემთხვევაში დისკუსიის საგანი ყოფილა. როგორ გაამართლა ერთმა, თუ მეორე ამ საკითხმა, საზედამხედველო მაკონტროლებელი ფუნქცია პარლამენტისა რომელში უფრო კარგად აისახა. ამ მსჯელობების და დისკუსიის ლიდერი და მოთავე ირაკლი იყო თავად და ჩვენ ხომ ამაზე პერმანენტული მუშაობა გვქონდა, სულ ამის დახვეწის პროცესში ვიყავით და შესაბამისად მთავრობის მეთაურის პოზიციიდან აი ამ როლის შესახებ ყველაზე კარგად მან იცის და ამ პოზიციიდან მე ვფიქრობ რომ საპარლამენტო ზედამხედველობის გაძლიერება, რაც დემოკრატიის შედეგია, მისი ერთ-ერთი პრიორიტეტი იქნება და ამ შემთხვევაში რაც არ უნდა სუბიექტური იყოს, იქნება ორივე მიმართულებით - მთავრობის მეთაურიც, როგორც ყოფილი პარლამენტის წევრი, უმრავლესობის ლიდერიც, პარლამენტის თავმჯდომარეც და ეს არის სიახლე და კარგი პრეცედენტი საპარლამენტო მოწყობის ქვეყანაში", - განაცხადა მდინარაძემ.

ავტორი: NS (სტატია დაფინანსებულია),

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს