მიუხედავად იმისა, რომ პრაქტიკულად ოპოზიციური ველი არის მოშიშვლებული და აქ არანაირი პრობლემა არ გვქონდა და არ გვაქვს, კიდევ უფრო მაღალ შედეგებს დავდებთ და საკმაოდ თამამად შეგვიძლია ვთქვათ, რომ საკონსტიტუციო უმრავლესობისთვის ვიბრძოლებთ და არა უბრალო გამარჯვებისთვის,- ამის შესახებ ფრაქცია „ქართული ოცნების“ თავმჯდომარემ, პარტია „ქართული ოცნების“ აღმასრულებელმა მდივანმა, მამუკა მდინარაძემ ჟურნალისტებს განუცხადა.

როგორც მდინარაძემ აღნიშნა, რომ ირაკლი ღარიბაშვილს და ირაკლი კობახიძეს აქვთ კარგი გამოცდილება როგორც მენეჯმენტის კუთხით, ასევე პარტიული მუშაობის კუთხით, რაც როგორც პარტიას, ისე სამთავრობო გუნდს გააძლიერებს.

"ეს არის ჩვენი პარტიული შედეგების მიმართ ჩვენი დამოკიდებულება, მაგრამ ქვეყნის გაძლიერების, ეკონომიკის კიდევ უფრო მეტი დინამიკის და დეოკუპაციის გზაზე, კიდევ უფრო მეტი დინამიკის და პოზიტივების, სიღარიბის დაძლევის, ევროინტეგრაციის, რა თქმა უნდა და ა.შ. ყველა მიმართულებით ჩვენ კიდევ უფრო მეტი პროგრესი გვინდა რომ გვქონდეს და ეს გადახალისება ამაში კიდევ უფრო მოგვეხმარება....

მე ვფიქრობ, რომ ეს გარკვეული, მოდი, დავარქვათ გადახალისება და პოსტების, თანამდებობების, პოზიციების გაცვლა, ორივე მხრივ, ახალი სისხლის შეტანა, ვფიქრობ, პროცეს კიდევ უფრო დინამიკურს გახდის. ორივე ირაკლის - ღარიბაშვილსაც და კობახიძესაც აქვთ ორივე მიმართულებით ძალიან კარგი გამოცდილება - მენეჯმენტის კუთხით, პარტიული მუშაობის კუთხით, მათ აქვთ როგორც გუნდის შიგნით, ისე ქვეყანაში განსაკუთრებული ავტორიტეტი და ვფიქრობ, რომ მათი მენეჯერული, პროფესიონალური უნარები, პატრიოტიზმი ამ ქვეყანას, ცალკე გუნდს, როგორც პარტიას, ისე სამთავრობო გუნდს, ერთიორად გააძლიერებს",- ამბობს მდინარაძე.

ცნობისთვის, დღეს, 1-ელ თებერვალს "ქართული ოცნების" რიგით მე-8 ყრილობაზე პარტიის თავმჯდომარედ ყოფილი პრემიერ-მინისტრი ირაკლი ღარიბაშვილი აირჩიეს. პარტიამ ასევე ყოფილი თავმჯდომარე ირაკლი კობახიძე პრემიერ-მინისტრობის კანდიდატად ოფიციალურად დაასახელა.

ავტორი: ექსპრესნიუსი,

სოციალური ქსელები

შვედეთის საჰაერო ძალებმა განაცხადეს, რომ თავდასხმის შემთხვევაში, ისინი რუსეთის სიღრმეში დარტყმებს განახორციელებენ

რუსეთმა უკრაინის წინააღმდეგ სპეციალური ქობინებით აღჭურვილი დრონებით დაბომბვა დაიწყო ელექტროგადამცემი ხაზების გასანადგურებლად

საფრანგეთში, მოსწავლეებმა სკოლების ბლოკირება დაიწყეს მასწავლებლების დეფიციტისა დანგრეული ინფრასტრუქტურის გამო

ბერა ივანიშვილი მამის კონტროლირებად სასამართლოში ჩივილით ემუქრება ყველას, ვინც ქოლცენტრების მფარველობას აბრალებს