2024-01-26 15:43:25, 1480 ნახვა
რეგიონი
ახალქალაქში დიალიზის სერვისი ამოქმედდა
ახალქალაქში დიალიზის სერვისი ამოქმედდა. ამის შესახებ ინფორმაციას ახალქალაქის მუნიციპალიტეტის მერია ავრცელებს.
მერიის ცნობით, სამედიცინო დაწესებულებები დიალიზისთვის საჭირო აპარატურით სრულად აღიჭურვა.
"ამ დრომდე ბენეფიციარებს პროცედურის ჩასატარებლად, კვირაში რამდენჯერმე, კილომეტრების დაშორებით, სხვადასხვა ქალაქში უწევდათ გადაადგილება, რაც ჯანმრთელობის მდგომარეობის გაუარესებასთან, დროსა და ხარჯებთან იყო დაკავშირებული.
სერვისის ამოქმედების შემდეგ კი, ბენეფიციარები სერვისს მათსავე ქალაქში, საცხოვრებელ სახლებთან ახლოს მიიღებენ.
ჰემოდიალიზის საჭიროების მქონე პირებს, სათანადოდ გადამზადებული მედპერსონალი ყოველდღიურად მოემსახურება",- ნათქვამია მერიის ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
