ქედის მუნიციპალიტეტის მერმა როლანდ ბერიძემ, საკრებულოს N01-06/01 მორიგ სხდომაზე საკრებულოს წევრებს, მერიისა და მედიის წარმომადგენლებს 2023 წლის საქმიანობის ანგარიში წარუდგინა. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

ქედის მერიის ცნობით, მერმა დეტალურად ისაუბრა მუნიციპალიტეტში განხორციელებული ინფრასტრუქტურული პროექტების, ჯანდაცვის პროგრამების, ადმინისტრაციული ცენტრების კეთილმოწყობის, შესყიდვების შესახებ.

„ასევე, ისაუბრა გაზიფიცირების სახელმწიფო პროგრამის შესახებ, რომელიც მუნიციპალიტეტისათვის ძალიან მნიშვნელოვანი პროექტია და დღეის მდგომარეობით ბუნებრივი აირით 185-მდე ოჯახია უზრუნველყოფილი; სოფლის მხარდაჭერის პროგრამის ფარგლებში მოეწყო 767 ერთეული გარეგანათების ბოძი და დაეგო 1 259 კბმ რკინა-ბეტონის საფარი; დაბა ქედაში, რუსთაველის ქუჩა N 13 და 15 ში მდებარე ტერიტორიაზე, დასრულდა ადაპტირებული და თანამედროვე სტანდარტებით აღჭურვილი ახალი პარკის მშენებლობა; აშენდა ქვედა აქუცისა და ვაიოს დამაკავშირებელი გზა; აშენდა ხანდაზმულთა კლუბი; აშენდა ახალი სასწრაფოს შენობა; რეაბილიტაცია ჩაუტარდა 3 მინი სპორტულ მოედანს.

პრეზენტაციის დასასრულს მერმა საკრებულოს წევრების მიერ დასმულ შეკითხვებს უპასუხა“, - აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა