2023-12-24 11:58:51, 1772 ნახვა
რეგიონი
ძლიერი ქარი ბათუმში - დაზიანებულია მრავალბინიანი სახლების სახურავები და მუნიციპალური ავტობუსის გაჩერებები
ბათუმში გვიან ღამით ძლიერი ქარი იყო. ქალაქის მერიის ინფორმაციით, ქარმა მრავალწლოვანი ხეები მოგლიჯა.
მათივე ცნობით, დაზიანებულია მრავალბინიანი სახლების სახურავები, ელექტროგადამცემი და გარეგანათების ბოძები, თუნუქის შეფუთვები და მუნიციპალური ავტობუსის გაჩერებები.
"მიმდინარეობს სტიქიის სალიკვიდაციო ღონისძიებები. საგანგებო რეჟიმში მუშაობას განაგრძობენ მერიის სამსახურები",- ნათქვამია მერიის ინფორმაციაში.
ავტორი: ექსპრესნიუსი,
epn.ge (@expressnews.ge)
