ზურაბ ჯაფარიძე: ჟვანიას პირადი ცხოვრების დეტალებს მის გარდაცვალებასთან არანაირი შემხებლობა არ აქვს

2015-02-11 12:21:10, 603 ნახვა

პოლიტიკა

"ერთიანი ნაციონალური მოძრაობის" წევრი ზურაბ ჯაფარიძე ხელისუფლებას მოუწოდებს, ზურაბ ჟვანიას საქმის გამოძიება შეწყვიტოს და უდანაშაულო ადამიანები გაათავისუფლოს.
როგორც ჯაფარიძემ გადაცემა არჩევანში გუშინ გაჟღერებულ გარემოებებთან დაკავშირებით დასმულ კითხვაზე პასუხისას განაცხადა, ზურაბ ჟვანია უბედური შემთხვევის შედეგად გარდაიცვალა, რასაც არაერთი მტკიცებულება ადასტურებს.ამასთან, ჯაფარიძემ ისიც განაცხადა, რომ ზურაბ ჟვანიას პირადი ცხოვრების დეტალებს, მის გარდაცვალებასთან შემხებლობა არ აქვს.
"არანაირი ახალი გარემოება იქ არ არსებობს, ბყველა ის გარემოება ისედაც არსებობდა საქმეში. უბრალოდ იყო დაფარული და არ იყო ცნობილი ფართო საზოგადოებისთვის. ჩვენ მოვუწოდებთ ხელისუფლებას, შეწყვიტოს ეს საქმე, გაათავისუფლოს უდანაშაულო ადამიანები, რომლებიც უაზროდ ჰყავს ამწუთში დაკავებული. ზურაბ ჟვანია გარდაიცვალა უბედური შემთხვევის გამო და საქმეში არსებობს ამის დამადასტურებელი ყველა მტკიცებულება, მათ შორის ფედერალური ბიუროს დასკვნა. ჟვანიას პირადი ცხოვრების დეტალებს არანაირი შემხებლობა არ აქვს მის გარდაცავალებასთან",-განაცხადა ზურაბ ჯაფარიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან