​ქედაში, ზვარის ადმინისტრაციულ ერთეულში, 16 დღიანი „არა ძალადობას“ კამპანიის ფარგლებში, ნაადრევ ქორწინებასთან დაკავშირებით სკოლის მოსწავლეებთან შეხვედრა გაიმართა, რომლის მიზანი საზოგადოების ცნობიერების ამაღლება ოჯახში ძალადობის შესახებ და ამ პრობლემის დასაძლევად საზოგადოების ჩართულობის აუცილებლობის ხაზგასმაა. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

ქედის მერიის ცნობით, შეხვედრა ღია სივრცე საზოგადოებისთვის „ქალთა ოთახმა“ და გენდერული საბჭოს წევრებმა გამართეს. მოეწყო თემასთან დაკავშირებული ვიდეო რგოლების ჩვენება და განხილვა, ისაუბრეს ნაადრევი ქორწინების მანკიერ მხარეებზე და განათლების აუცილებლობაზე.

„ტრენინგს განათლების სამინისტროს ექსპერტი, ფსიქოლოგი - მაია ბლადაძე უძღვებოდა.

დაგეგმილი სხვადასხვა ღონისძიების ფარგლებში მოქალაქეებს ურიგდებათ ფლაერები, მოხდება საზოგადოების ინფორმირება იმის შესახებ, რომ ოჯახში ძალადობის მსხვერპლს კანონი იცავს, ხოლო მოძალადეები ისჯებიან კანონით.

ღონისძიების დასასრულს მოსწავლეებს საჩუქრად თემასთან დაკავშირებული სახელმძღვანელოები გადაეცათ, რომლის უკუკავშირი იანვრის თვეში გაიმართება.

ქალთა და ოჯახში ძალადობის წინააღმდეგ მიმართული 16 დღიანი „არა ძალადობას“ კამპანიის ფარგლებში, მომდევნო შეხვედრა მახუნცეთის ადმინისტრაციულ ერთეულში 5 დეკემბერს გაიმართება“, - აღნიშნულია ქედის მერიის ინფორმაციაში.

ავტორი: NS (სტატია დაფინანსებულია),

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა