მცდელობა, მოახდინონ ქალი ოპოზიციონერების დისკრედიტაცია, არ გამოუვათ და უფრო პირიქით, უარესს მიიღებს ერთიც და მეორეც, პირადად ჩემგან,- ამის შესახებ "ერთიანი ნაციონალური მოძრაობის" წარმომადგენელმა, ანა წითლიძემ "ქართული ოცნების" დეპუტატებთან - ალუდა ღუდუშაურსა და ირაკლი ბერაიასთან დაკავშირებით განაცხადა.

როგორც წითლიძემ პარლამენტის პლენარულ სხდომაზე სიტყვით გამოსვლისას აღნიშნა, ღუდუშაური და ბერაია, რომლებმაც ოპოზიციონერ ქალ დეპუტატებს სიტყვიერი შეურაცხყოფა მიაყენეს, "საკანონმდებლო ორგანოში სხდომას" არ იმსახურებენ.

"ალუდა ღუდუშაურზე არაფერს ვიტყვი იმიტომ, რომ არარაობა არის. ირაკლი ბერაიამ იკადრა ის, რაც იკადრა. მთელი ერთი დღეა, მაინც ველოდები იმას, რომ ადეკვატური რეაგირება გექნებათ თქვენ - საქართველოს პარლამენტის თავმჯდომარეს. ირაკლი ბერაია და ალუდა ღუდუშაური იცით რას იმსახურებენ? იმას იმსახურებენ, რომ აი, ახლა აქ აღარ ისხდეს არც ერთი ერთი და არც მეორე. თუ თქვენ არ გვაძლევთ იმის საშუალებას, რომ ადეკვატური რეაგირება გქონდეთ და გადააყენოთ უბრალოდ - ნორმალურ ქვეყანაში მანდატს დაატოვებინებდნენ ერთსაც და მეორესაც იმის შემდეგ, რაც იკადრეს - მაშინ, ცხადია, მოგვიწევს, რომ თავი დავიცვათ და ვუპასუხოთ მათ ზუსტად ისე, როგორც ესენი იქცევიან.

მათი მცდელობა, ქალის პოლიტიკოსების წინააღმდეგ და თქვენ ვერ მეტყვით ვერცერთ ოპოზიციონერ კაცს, რომელსაც მსგავსი უკადრებია აქ მიუხედავად იმისა, რომ ბევრი კრიტიკა გვინახავს, რომ ეს მცდელობა, მოახდინონ ქალი ოპოზიციონერების დისკრედიტაცია, არ გამოუვათ და უფრო პირიქით, უარესს მიიღებს ერთიც და მეორეც, პირადად ჩემგან. ასე მშვიდად ამ დარბაზში ვერ დასხდებიან“,- განაცხადა წითლიძემ.

შეგახსენებთ, გუშინ, 31 ოქტომბერს "ქართული ოცნების" დეპუტატმა, თავდაცვისა და უშიშროების კომიტეტის თავმჯდომარემ, ირაკლი ბერაიამ ოპოზიციონერ დეპუტატ თეონა აქუბარდიას პარლამენტის პლენარულ სხდომაზე სიტყვიერი შეურაცხყოფა მიაყენა. ბერაიამ აღნიშნულის შემდეგ ბოდიში მოიხადა.

გუშინვე, საკანონმდებლო ორგანოს სხდომათა დარბაზში "ქართული ოცნების" წარმომადგენელმა, ალუდა ღუდუშაურმა "ერთიანი ნაციონალური მოძრაობის" წევრ ანა წითლიძეს ასევე სიტყვიერი შეურაცხყოფა მიაყენა.

ავტორი: ექსპრესნიუსი,

სოციალური ქსელები

საფრანგეთში სკოლებში გამართული საპროტესტო აქციები ქუჩის არეულობაში გადაიზარდა, ერთ კვირაში 5000-ზე მეტი ადამიანი დააკავეს

გორდულაძე პატიმრის განცხადებაზე გაუპატიურების შესახებ - ეს გავს მიზანმიმართულ კამპანიას პენიტენციური სისტემის რეპუტაციის, ქართული ოცნების და სახელმწიფო სისტემის დასაზიანებლად

ელენე ხოშტარია - სისტემა კლავს, სისტემა რყვნის, სისტემა უნდა დაემხოს

პუტინისტმა ფიფიამ პროპაგანდისტულ СОЛОВЬЁВ LIVE -ს ეთერში რუსეთ-საქართველოს დალაგებად ურთიერთობაზე და "გეორგიევსკის" ქვედანაყოფზე ისაუბრა