2023-10-18 10:32:34, 597 ნახვა

---

პრეზიდენტის ადმინისტრაცია - პარლამენტმა დიპკორპუსისა და საკონსტიტუციოში პრეზიდენტის წარმომადგენლების მოწვევაზე უარი თქვა

პრეზიდენტის ადმინისტრაცია აპროტესტებს იმ ფაქტს, რომ პარლამენტი პრეზიდენტის საიმპიჩმენტო სხდომას და ასეთ მნიშვნელოვან პროცესს განიხილავს და წარმართავს როგორც „ჩვეულებრივ, რიგით სამუშაო ფორმატს“,- ამის შესახებ ნათქვამია განცხადებაში, რომელსაც პრეზიდენტის ადმინისტრაცია ავრცელებს.

განცხადების თანახმად, პარლამენტმა იმპიჩმენტის საკითხის განხილვისას, სხდომაზე დიპკორპუსის წარმომარდგენლების მოწვევაზე უარი განაცხადა.

"პრეზიდენტის ადმინისტრაციის მოთხოვნის მიუხედავად, პარლამენტმა უარი განაცხადა, იმპიჩმენტის საკითხის განხილვისას სხდომაზე მოეწვია საქართველოში აკრედიტებული დიპლომატიური კორპუსისა და საკონსტიტუციო სასამართლოში პრეზიდენტის წარმომადგენლები",- ნათქვამია ადმინისტრაციის განცხადებაში.

შეგახსენებთ, დღეს, 18 ოქტომბერს პარლამენტი პრეზიდენტის იმპიჩმენტის პროცესს იწყებს.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი