თბილისში საქართველოს მესამე პრეზიდენტის, მიხეილ სააკაშვილის საზოგადოებრივი ცენტრი გაიხსნა, რომელსაც სოფო ჯაფარიძე უხელმძღვანელებს. 

ოფისში მოქალაქეები მესამე პრეზიდენტისთვის წერილებისა და საკუთარი მოსაზრებების დატოვებას შეძლებენ. 

სოფო ჯაფარიძემ ცენტრის გახსნაზე შეკრებილ მხარდამჭერებს მიმართა და მესამე პრეზიდენტის სათქმელი გააცნო. 

''ბატონი პრეზიდენტისგან ყოველკვირეულად უამრავი წერილი მომდის, მიშას აინტერესებს რას ფიქრობს ხალხი, რა არის მათი მთავარი პრობლემა, კონკრეტულ რაიონში, კონკრეტულ ქუჩაზე. უპასუხებს უამრავ ადამიანს, უნდა რომ მაქსიმალურად მოისმინოს ხალხის აზრი. ვის ეკუთვნის ეს სივრცე? როგორც მიშა ხშირად აღნიშნავს, დღეს დაყოფის დრო არ არის. სივრცე ღიაა ყოველი თქვენგანისთვის. მიშას მხარდამჭერებისთვის, მისი თავისუფლების მსურველებისთვის. ყველასთვის, ვისაც ადარდებს ქვეყნის ბედი.

ვიღაცებს ჰგონიათ, რომ შევეგუეთ მის პატიმრობას! შევეგუეთ იმას რომ მიშა, პუტინის პირადი პატიმარია საქართველოში! არავინ მოგატყუოთ! ასიათასობით მხარდამჭერი, მესამე პრეზიდენტის პატიმრობას არ შეეგუება! სწორედ ამ სივრციდან გაიგებთ, რა ნაბიჯებს დგამს თითოეული ჩვენგანი მიშას თავისუფლებისთვის, რა შეხვედრები და მოლაპარაკებები იმართება საერთაშორისო თუ ადგილობრივი მასშტაბით. სწორედ აქედან შეიტყობს თითოეული თქვენგანი მიშას მოსაზრებას და დამოკიდებულებას ქვეყანაში მიმდინარე საკითხთან დაკავშირებით.

და ბოლოს! ყველამ კარგად ვიცით სად არის მიშა - რთული დასაჯერებელი იყო ყველა ჩვენგანისთვის, რომ დატოვებდა იმ უდიდეს კომფორტს და პატივისცემას რაც უკრაინაში მას ჰქონდა და ჩამოვიდოდა, მაგრამ გადადგა მძიმე და ძალიან რთული ნაბიჯი, დღესაც ახერხებს ქართულ ოცნებას შეუცვალოს დღის წესრიგი, იყოს ოლიგარქთან ბრძოლის წინა ხაზზე. მაგრამ სად ვართ ჩვენ?! დღეს არათუ მიშა ,არამედ თითოეული ჩვენგანი ვართ ოლიგარქის ტყვეობაში. წლების შემდეგ,როდესაც ჩემი შვილები შემეკითხებიან სად ვიყავი ამ ბრძოლის დროს , მე ამაყად ვიტყვი, ვიბრძოდი საქართველოს თავისუფლებისათვის! ვიდექი ისტორიის ნათელ მხარეს და ვქმნიდი ჩემს მეგობრებთან ერთად ამ ქვეყნის მომავალს“, - განაცხადა სოფო ჯაფარიძემ.

ავტორი: ექსპრესნიუსი,

სოციალური ქსელები

Intelligence Online: თურქული კომპანიების ქსელი რუსეთის „ჩრდილოვანი ფლოტის“ ცენტრი ხდება

ვენესუელაში მომხდარი მიწისძვრის შედეგად დაღუპულთა რიცხვმა 230-ს გადააჭარბა

ნატო უკრაინისთვის 70 მილიარდი ევროს ღირებულების იარაღის მიწოდებას გეგმავს

ევროკავშირმა რუსეთის წინააღმდეგ ეკონომიკური სანქციები 2027 წლის ივლისის ბოლომდე გაახანგრძლივა