2023-09-26 13:46:32, 760 ნახვა

---

ნიკა მაჭუტაძემ და ბაჩუკი ქარდავამ პოლიტიკური ჯგუფი „ეროვნული და დემოკრატიული სახელმწიფოსთვის“ ჩამოაყალიბეს

ოპოზიციონერმა დეპუტატებმა, ნიკა მაჭუტაძემ და ბაჩუკი ქარდავამ ახალი პოლიტიკური ჯგუფი „ეროვნული და დემოკრატიული სახელმწიფოსთვის“ ჩამოაყალიბეს. აღნიშნულის შესახებ ინფორმაციას საქართველოს პარლამენტის პრესსამსახური ავრცელებს.

პრესსამსახურის ცნობით, პოლიტიკური ჯგუფის ჩამოყალიბების საკითხზე დეპუტატებმა პარლამენტის საპროცედურო საკითხთა და წესების კომიტეტის სხდომაზე იმსჯელეს.

„კომიტეტმა შეისწავლა წარმოდგენილი განაცხადი თანდართულ დოკუმენტაციასთან ერთად  და დაადგინა, რომ ის სრულად შეესაბამება პარლამენტის რეგლამენტის მოთხოვნებს.

კომიტეტმა მიზანშეწონილად მიიჩნია საპარლამენტო პოლიტიკური ჯგუფის რეგისტრაცია, რასაც კენჭისყრით დაუჭირეს მხარი“,- აღნიშნულია ინფორმაციაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი