2023-09-25 16:26:53, 1572 ნახვა
ომი უკრაინაში
უკრაინა - რუსეთის შავი ზღვის ფლოტის შტაბზე იერიშის შედეგად 34 ოფიცერი დაიღუპა - არიან დაშავებულებიც
რუსეთის შავი ზღვის ფლოტის შტაბზე მიტანილი სარაკეტო იერიშის შედეგად შავი ზღვის ფლოტის მეთაური, ვიცე-ადმირალი ვიქტორ სოკოლოვი დაიღუპა. ამის შესახებ ინფორმაციას უკრაინის სპეციალური ოპერაციების სამსახური ავრცელებს.
უწყების ცნობით, იერიშს ჯამში 34 ოფიცერი ემსხვერპლა და 105 ჯარისკაცი დაიჭრა.
"კიდევ 105 ოკუპანტი დაიჭრა. შტაბის შენობის აღდგენა შეუძლებელია", - აღნიშნულია სპეციალური ოპერაციების სამსახურის განცხადებაში.
ცნობისთვის, უკრაინის შეიარაღებულმა ძალებმა დროებით ოკუპირებულ სევასტოპოლში რუსეთის შავი ზღვის ფლოტის შტაბ-ბინაზე იერიში 22 სექტემბერს მიიტანა.
ავტორი: ექსპრესნიუსი,
epn.ge (@expressnews.ge)
