საქართველოს პარლამენტის შენობაში დღეს, 22 სექტემბერს, უსაფრთხოების ყვითელი დონე იმოქმედებს. ამის შესახებ განცხადებას საკანონმდებლო ორგანოს პრესსამსახური ავრცელებს.

განცხადების თანახმად, ვიზიტორებს პარლამენტის სასახლეში შესვლა ეზღუდებათ.

"მიმდინარე წლის 22 სექტემბერს „საქართველოს პარლამენტის სასახლეში უსაფრთხოების დაცვის წესის დამტკიცების თაობაზე" საქართველოს პარლამენტის თავმჯდომარის 2023 წლის 04 სექტემბრის N1/259/23 ბრძანების შეესაბამისად, საქართველოს პარლამენტის სასახლეში იმოქმედებს უსაფრთხოების ყვითელი დონე - ვიზიტორებს ეზღუდებათ პარლამენტის სასახლეში შესვლა.

შეზღუდვა არ შეეხება აკრედიტებულ საპარლამენტო ჟურნალისტებს. 

აღნიშნული ღონისძიების მიზანია, საქართველოს პარლამენტის სასახლეში სამუშაო და უსაფრთხო გარემოს უზრუნველყოფა",- ნათქვამია პრესსამსახურის მიერ გავრცელებულ განცხადებაში.

ცნობისთვის, დღეს, 22 სექტემბერს პარლამენტში შინაგან საქმეთა მინისტრის, ვახტანგ გომელაურისა და ეკონომიკისა და მდგრადი განვითარების მინისტრის, ლევან დავითაშვილის ინტერპელაციის წესით მოსმენა უნდა გაიმართოს.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს