საზოგადოების  წარმომადგენლების  მიერ უზენაესი სასამართლოს  თავმჯდომარეობის  კანდიდატურის  დასახელების ეტაპი 9 თებერვალს დასრულდა.

როგორც პრეზიდენტის საპარლამენტო მდივანმა გიორგი კვერენჩხილაძემ ჟურნალისტებს განუცხადა, სულ 36 კანდიდატურა დასახელდა, რვამ კი,თავისი კანდიდატურის   განხილვაზე უარი განაცხადა.

მისივე თქმით, არაუგვიანეს 23 თებერვლისა,  შემუშავებული კრიტერიუმების გათვალისწინებით შერჩეული კანდიდატის დასახელება მოხდება.

"პრეზიდენტის ადმინისტრაციაში უზენაესი სასამართლოს თავმჯდომარეობის კანდიდატების დასახელების  ეტაპი დასრულდა.წარმოდგენილია და დასახელებულია 36 თავმჯდომარეობის კანდიდატი, აქედან 8 კანდიდატმა უარი განაცხადა მისი კანდიდატურის განხილვაზე, შესაბამისად, ამ ეტაპისთვის შიძლება ითქვას, რომ პრეზიდენტის  ადმინისტრაციის ვებ გვერდზე ეს სია უკვე დევს.28 უზენაესი სასამართლოს თავმჯდომარეობის კანდიდატურა გახლავთ დასახელებული.დღეიდან იწყება უკვე პირობითად ამ პროცესის მეორე ეტაპი,რომელიც გულისხმობს შემდეგს: პრეზიდენტის ამდინისტრაციის მიერ იმ კრიტერიუმების  შესაბამისად, რომელიც საპარლამენტო პოლიტიკური ძალებისა და  არასამთავრობო ორგანიზაციების  საკმაოდ ფართო ნაწილის მონაწილეობით იქნა შემუშავებული, ამ კანონის მიერ დადგენილი  ცენზების და კრიტერიუმების შესაბამისად მოხდება შერჩევა წარმოდგენილი 28 კანდიდატის და არაუგვიანეს  23 თებერვლისა, როდესაც მოქმედ თავმჯდომარეს გასდის უფლებამოსილების ვადა დასახელებული იქნება უზენაესი სასამართლოს  თავმჯომარეობის ერთი კანდიდატატურა",-განაცხადა გიორგი კვერენჩხილაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა