იმპიჩმენტის იმპიჩმენტით გადაფარვა მოინდომეს,- ამის შესახებ ფრაქცია „ქართული ოცნების“ თავმჯდომარემ, მამუკა მდინარაძემ საქართველოს პრემიერ-მინისტრის იმპიჩმენტზე საუბრისას განაცხადა.

მდინარაძის თქმით, ოპოზიციამ "ორი მიმართულებით მიიტანა იერიში" - "ერთი სააკაშვილის ძველი ცოდვების ჩამოსარეცხად და მეორე ახლანდელი პრეზიდენტის უდავო იმპიჩმენტის".

"ორეტაპიანი "გაპრავების" მცდელობაა ძველი და ახლანდელი პრეზიდენტის. სააკაშვილთან დაკავშირებით ბიუჯეტის გაფლანგვის "გაპრავება" მოინდომეს და ზურაბიშვილთან დაკავშირებით იმპიჩმენტის იმპიჩმენტით გადაფარვა მოინდომეს. ანუ, აბსოლუტურად სისულელით გამოძერწილი ამბავი, რაღაცა ფოკუსირებული ამბავი, დაბრალება, ტყუილი, დეზინფორმაცია და იმპიჩმენტის საფუძველიც გაუხდათ. ეს უკვე ახალი პრეზიდენტის "გასაპრავებლად", ბოდიში ჟარგონისთვის. აი, ასე მოქმედებენ. ორი მიმართულები მიიტანეს იერიში - ერთი იყო სააკაშვილის ძველი ცოდვების ჩამოსარეცხად, მეორე იყო ახლანდელი პრეზიდენტის უდავო იმპიჩმენტის... უდავო პრეცედენტის გადასაფარად. უფრო სწორად, უპრეცედენტობის და კონსტიტუციის უპრეცედენტო დარღვევის გადასაფარად. აი, ეს არის. ეს პროპაგანდა ემსახურება ამას. ხან "აპრავებენ" სააკაშვილს, მცდელობა აქვთ, უფრო სწორად, ხან ზურაბიშვილს და ა.შ."- განაცხადა მდინარაძემ.

შეგახსენებთ, "ტვ პირველმა" გაავრცელა ინფორმაცია, რომლის მიხედვითაც, პრემიერ-მინისტრმა, ირაკლი ღარიბაშვილმა სამთავრობო თვითმფრინავი პირადი ვიზიტისთვის გამოიყენა.

აღნიშნულის შემდეგ, პარტია "ლელოში" განაცხადეს, რომ მთავრობის მეთაურის წინააღმდეგ იმპიჩმენტის პროცედურებს იწყებენ.

ირაკლი ღარიბაშვილის მიერ მიერ პირადი მიზნებისთვის სახელმწიფო რესურსის შესაძლო გამოყენების ფაქტზე ოპოზიციური პარტიების ნაწილი და არასამთავრობო ორგანიზაციები გამოძიების დაწყებას ითხოვენ.

განცხადება გაავრცელა მთავრობის სტრატეგიული კომუნიკაციების დეპარტამენტმაც და აღნიშნა, რომ რეისი, რომლითაც პრემიერი გაემგზავრა, იყო კომერციული და ხარჯი სახელმწიფო ბიუჯეტიდან არ გაწეულა.

სტრატკომის ინფორმაციით, თვითმფრინავი, რომლითაც პრემიერ-მინისტრმა მიუნხენამდე იმგზავრა,  სახელმწიფო დაცვის სპეციალური სამსახურის საჯარო სამართლის იურიდიული პირი სახელმწიფო უზრუნველყოფის სააგენტოს ბალანსზე იმყოფება.

დღეს, 12 სექტემბერს სახელმწიფო დაცვის სპეციალური სამსახურის ხელმძღვანელმა, ანზორ ჩუბინიძემ განაცხადა, რომ სახელმწიფო დაცვის სპეციალური სამსახურის საჯარო სამართლის იურიდიული პირის უზრუნველყოფის სააგენტოს ანგარიშზე გაკეთებულია შენატანი, რომელიც უზრუნველყოფს თბილისი-მიუნხენი-თბილისის რეისთან დაკავშირებულ ხარჯებს. მისივე თქმით, შენატანი გაკეთებულია ტარიელ ღარიბაშვილის მიერ და ეს თანხა შეადგენს 34 ათასი ევროს ექვივალენტს ლარში. 

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს