აჭარის ჯანმრთელობისა და სოციალური დაცვის სამინისტროს “ეკომიგრანტი ოჯახების საცხოვრებლით უზრუნველყოფის” 2023 წლის პროგრამის ფარგლებში, უსაფრთხო საცხოვრისი დამატებით 11-მა ეკომიგრანტმა ოჯახმა შეიძინა. აღნიშნულის შესახებ ინფორმაციას აჭარის ჯანდაცვის სამინისტრო ავრცელებს.

მათი ცნობით, საკუთრების რეგისტრაციის პროცედურა ბათუმის იუსტიციის სახლში გაიმართა, რომელსაც აჭარის ჯანდაცვის მინისტრის მოადგილე, ედუარდ ნაკაშიძე ესწრებოდა.

"მიმდინარე წელს აჭარის ჯანდაცვის სამინისტროს პროგრამის ფარგლებში საცხოვრისი თანადაფინანსებით 51-მა ოჯახმა უკვე შეიძინა. სამინისტრო თითოეულ ეკომიგრანტ ოჯახს 40 000 ლარით აფინანსებს. პროგრამის ფარგლებში უსაფრთხო საცხოვრისს მოქალაქე თავად მოიძიებს, წარმოადგენს შესაბამის დოკუმენტაციას, გაივლის ექსპერტიზას და დადებითი დასკვნის შემთხვევაში სახელმწიფოსგან მიიღებს პროგრამით გათვალისწინებულ დაფინანსებას", - აღნიშნა მინისტრის მოადგილემ, ედუარდ ნაკაშიძემ.

სამინისტრო “ეკომიგრანტი ოჯახების საცხოვრებლით უზრუნველყოფის” პროგრამას 2016 წლიდან ახორციელებს, დღემდე პროგრამის ფარგლებში შეძენილია 667 საცხოვრებელი ფართი. მიმდინარე წელს სამინისტრომ თანადაფინანსების წილი 40 000 ლარამდე გაზარდა. წლის ბოლომდე პროგრამით 100 ოჯახი ისარგებლებს, ჯაში გამოიყოფა 4 080 000 ლარი.

ავტორი: NS (სტატია დაფინანსებულია),

სოციალური ქსელები

საქართველოს ბანკის YouTube პროექტის - CREATOR-ის მეორე სეზონი იწყება

„შავი პარასკევი“ „მაზდა ცენტრი თეგეტაში“ - ბრენდის ყველაზე მოთხოვნად მოდელებზე 20%-მდე ფასდაკლება 1-ელი ნოემბრიდან იწყება

დათუნაშვილი - გაზის გაძვირება კატასტროფული გადაწყვეტილება, რომელიც ძალიან მძიმე ტვირთად დააწვება თითოეულ ოჯახს ამ ქვეყანაში

მეუფე ვახტანგი სამორინეებზე - როგორმე, პარლამენტში ხელახლა უნდა გავიდეს და დააიგნორონ