2023-07-27 10:52:47, 1367 ნახვა

---

ქედის მუნიციპალიტეტში, „ახალი საცხოვრებელი სახლებით შეცვლის“ პროგრამის ფარგლებში, 4 სახლი აშენდა

„ძველი საცხოვრებელი სახლების მქონე ოჯახებზე ახალი საცხოვრებელი სახლებით შეცვლის“ პროგრამის ფარგლებში ოთხი საცხოვრებელი სახლის მშენებლობა დასრულდა. აღნიშნულის შესახებ ინფორმაციას ქედის მუნიციპალიტეტის მერია ავრცელებს.

მათი ცნობით, მუნიციპალიტეტის მერმა როლანდ ბერიძემ, ადგილობრივი თვითმმართველობის წარმომადგენლებთან ერთად პროგრამის ფარგლებში დასრულებული სახლები ადგილზე მოინახულა. 

“წელს პროგრამის ფარგლებში სულ ოთხი სახლი სოფელ ზედა ბზუბზუში, ორცვაში, ზუნდაგასა და სოფელ ტიბეთაში აშენდა, რომლის მშენებლობისათვის ბიუჯეტიდან 200 000 ლარი იყო გამოყოფილი.

ძველი საცხოვრებელი სახლების მქონე ოჯახებზე ახალი საცხოვრებელი სახლებით შეცვლის პროგრამა 2019 წელს დაიწყო და დღეის მდგომარეობით 14 სახლი აშენდა“,- აღნიშნულია ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი