ქართველ ხალხს ახლა სჭირდება ევროკავშირში ინტეგრაციის მხრივ გულშემატკივრობა, ჩვენ გვჭირდება, რომ არასამთავრობო ორგანიზაციები იყვნენ არა ჩასაფრებული კრიტიკოსები, არამედ ამ პროცესის გულშემატკივრები. თუ ისინიც გააცნობიერებენ, რომ  ეს არის ჩვენი საერთო ამოცანა, მაშინ წარმატება გარდაუვალია,- ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.

როგორც შალვა პაპუაშვილმა აღნიშნა, კონფერენციაზე ევროკომისიის შუალედურ ანგარიშთან დაკავშირებით იყო მსჯელობა, რომელიც დადებითი გადაწყვეტილების მიღების საფუძველს ქმნის.

„რაც შეეხება რეკომენდაციების შესრულებას, კონფერენციაზე ჩვენ შუალედურ ანგარიშთან დაკავშირებითაც გვქონდა მსჯელობა. თუ ავიღებთ ტემპებს, იქნება ეს საქართველო, უკრაინა და მოლდოვა, ვნახავთ, რომ ერთნაირია, 2-3 რეკომენდაცია ჩაითვალა შესრულებულად, სხვა რეკომენდაციებში არის მნიშვნელოვანი პრინციპული წინსვლა. სხვათაშორის, ეს არასამთავრობო სექტორმაც აღნიშნა, ივნისამდე არსებული მდგომარეობიდან განსხვავებით, ჩვენ ამ შუალედური ანგარიშით შეგვიძლია შევიქმნათ კონკრეტული წარმოდგენა, თუ რა მოლოდინი აქვს ევროკავშირს. ჩვენ კომუნიკაციაში ვართ ევროკავშირთან, რათა ეს მოლოდინი ერთმანეთს დაემთხვეს და არ დავიჩაგროთ უსამართლო გადაწყვეტილებით. ჩვენ როგორც ვიყავით ლიდერი, ასევე ვრჩებით ლიდერი არა მხოლოდ უკრაინასთან და მოლდოვასთან შედარებით, არამედ ბოსნია-ჰერცეგოვინასთან, რომელსაც დეკემბერში მიენიჭა სტატუსი",- განაცხადა შალვა პაპუაშვილმა.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.