ამ ერთი ადამიანის გარშემო არის ატეხილი განსაკუთრებული აჟიოტაჟი და ეს სრულიად გასაგებია, რა მიზანსაც ემსახურება. ეს არის თავისუფლების უკანონოდ მოპოვების მცდელობა,- აღნიშნულის შესახებ იუსტიციის მინისტრმა, რატი ბრეგაძემ საქართველოს მესამე პრეზიდენტზე, მიხეილ სააკაშვილზე საუბრისას განაცხადა.

ბრეგაძის თქმით, პენიტენციურ დაწესებულებაში თანაბარი დამოკიდებულება აქვთ აბსოლუტურად ყველა პატიმრის მიმართ.

„კიდევ ერთხელ ხაზგასმით გეტყვით იმას, რომ ჩვენ გვაქვს თანაბარი დამოკიდებულება აბსოლუტურად ყველა პატიმრის მიმართ და, მათ შორის, როდესაც პოლიტიკოსი თუ ყოფილი პოლიტიკოსი ყოფილა პენიტენციურ დაწესებულებაში, მისთვის არავის შეუზღუდავს რაიმე უფლება. ჩვენ გვიხილავს, ასევე, სხვა პატიმრები, რომლებიც გამოსულან პენიტენციური დაწესებულებიდან და მათ არ ჰქონიათ რაიმე პრეტენზია პენიტენციური დაწესებულების თანამშრომლების მიმართ, მაგრამ ამ ერთი ადამიანის გარშემო არის ატეხილი განსაკუთრებული აჟიოტაჟი და ეს სრულიად გასაგებია, რა მიზანსაც ემსახურება. ეს არის თავისუფლების უკანონოდ მოპოვების მცდელობა, სახელმწიფო ინტერესების დაზიანება და, ასევე, რა თქმა უნდა, საზოგადოების ტერორიზება. მე ამას არ მოვერიდები და პირდაპირ ვიტყვი, იმიტომ, რომ ჩვენ მრავალჯერ ვიხილეთ მათ მიერ გავრცელებული მტკნარი სიცრუე, რამაც, სამწუხაროდ, მთელ რიგ შემთხვევებში პროპაგანდისტული ხასიათიც მიიღო",- განაცხადა ბრეგაძემ.

ბრეგაძის თქმითვე, მსჯავრდებული სააკაშვილი, პრაქტიკულად, პოლიტიკურ აქტივობას ეწევა კლინიკიდან და ამ პროცესში მას ადვოკატები ეხმარებიან.

„ეს ადამიანი მაქსიმალურად ცდილობს ყოველთვის, რომ იყოს აქტუალური პოლიტიკურ დღის წესრიგში. ის დღეში რამდენიმეჯერ ხვდება, მათ შორის, ადვოკატებს და, ფაქტობრივად, ეს ადამიანები ასრულებენ არა უშუალოდ რაიმე სახის პროცესუალურ მოქმედებებს, არამედ, ფაქტობრივად, არიან ამბის გამტან-გამომტანები. კარგად მოგეხსენებათ, რომ, ფაქტობრივად, ყოველდღე ამ ადამიანის facebook- ზე განთავსდება ხოლმე სხვადასხვა სახის პოსტები და ის, თამამად შეიძლება ითქვას, რომ, პრაქტიკულად, პოლიტიკურ აქტივობას ეწევა კლინიკა „ვივამედიდან",– დასძინა ბრეგაძემ.

ავტორი: NS (სტატია დაფინანსებულია),

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.