პოლიტიკური საბჭოს სხდომაზე იქნა გადაწყვეტილებები მიღებული ახალგაზრდების საპასუხისმგებლო თანამდებობებზე დანიშვნის შესახებ,- ამის შესახებ "ერთიანი ნაციონალური მოძრაობის" თავმჯდომარემ, ლევან ხაბეიშვილმა პარტიის პოლიტსაბჭოს სხდომის დასრულების შემდეგ გამართულ ბრიფინგზე განაცხადა.

ენმ-ის თავმჯდომარის თქმით, აღნიშნული საკითხი პარტიაში ჩატარებულ არჩევნებზე ერთ-ერთი დაპირება იყო, რაც შესრულდა.

"ნაციონალური მოძრაობა" ყოველთვის იყო შესაძლებლობა ახალგაზრდებისთვის და შესაბამისად, ვაგრძელებთ ამ ტრადიციას. პოლიტსაბჭოზე იქნა კონკრეტული გადაწყვეტილებები მიღებული ახალგაზრდების საპასუხისმგებლო თანამდებობებზე დანიშვნის შესახებ, რაც გულისხმობს იმას, რომ ამ ახალგაზრდებს, რომლებსაც აქტიურად ხედავთ ტელეეკრანებზე, სხვადასხვა საკრებულოებში, საჯარო სივრცეებში, მიეცემათ შესაძლებლობა, თავად წარმართონ და იყვნენ წარმართველები, გადაწყვეტილებების მიმღებები "ნაციონალურ მოძრაობაში",- თქვა ლევან ხაბეიშვილმა.

მისი განცხადებით, ირაკლი ფავლენიშვილი გენერალური მდივნის მოადგილის, ნიკოლოზ ჭურაძე კულტურული მემკვიდრეობის სამსახურის უფროსის, თათია ნიკოლაშვილი პოლიტსაბჭოს თავმჯდომარის მოადგილის, ვანო მაღალაშვილი აღმასრულებელი მდივნის მოადგილის, გვანცა გაზდელიანი იურიდიულ სამსახურის უფროსის მოადგილის, ედო ჯავახიძე სამოქალაქო ინტეგრაციის მდივნის, ალექსანდრე კრევო ასათიანი საგარეო მიმართულების სამსახურის უფროსის მოადგილის, გიგი გიგიტელაშვილი სამდივნოს აპარატის უფროსის თანამდებობებს დაიკავებენ.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.