პოლიციას შესაბამისი რეაგირება მოახდინა და სათანადოდ უზრუნველყო როგორც მონაწილეების, ისე ჟურნალისტების უსაფრთხოება,- ამის შესახებ პარლამენტის თავმჯდომარემ, შალვა პაპუაშვილმა "პრაიდ ფესტივალის" ჩაშლასთან დაკავშირებით განაცხადა.

პაპუაშვილის თქმით, პოლიციამ თავისი ამოცანა შეძლებისდაგვარად შეასრულა.

„ჩვენ ვნახეთ, რომ პოლიცია საკმაოდ ჭარბად იყო წარმოდგენილი და შეძლებისდაგვარად, რა თქმა უნდა, მისი ამოცანაა, რომ უზრუნველყოს ადამიანების უსაფრთხოება. მე რამდენადაც ვიცი, არავინ არ დაზარალებულა და დაზიანებულა, ამიტომ მნიშვნელოვანია ის, რომ პოლიციამ თავისი ამოცანა შეასრულა. რაც შეეხება თავად ღონისძიების ჩაშლას და იმ ადამიანებს, რომლებიც პოლიციას წინააღმდეგობას უწევდნენ, რა თქმა უნდა, ნებისმიერი ძალადობა დასაგმობია.

მე არ ვიცი, არის თუ არა ვინმე დაკავებული, მაგრამ პოლიციას შესაბამისი რეაგირება მოახდინა და სათანადოდ უზრუნველყო როგორც მონაწილეების, ისე ჟურნალისტების უსაფრთხოება.

არსებობდა მოლოდინი, რომ იქნებოდა მცდელობა ღონისძიების ჩაშლი და ვნახეთ, რომ დღეს დიდი რაოდენობა შეიკრიბა ამისთვის. მთავარი არის ის, რომ უსაფრთხოება იყო დაცული. ვგმობთ ყოველგვარ ძალადობას, პოლიციამ ამ მხრივ ყველაფერს კარგად გაართვა თავი“,- განაცხადა პაპუაშვილმა.

ცნობისთვის, ცოტა ხნის წინ "პრაიდ ფესტივალის" მოწინააღმდეგეებმა გაარღვიეს სამართალდამცველების კორდონები და შეიჭრნენ ლისის ტბის მიმდებარე ტერიტორიაზე, სადაც "თბილისი პრაიდის" ღონისძიება იყო დაგეგმილი. მანამდე სამართალდამცველებსა და "პრაიდ ფესტივალის" მოწინააღმდეგეებს შორის დაპირისპირებაც მოხდა.

"თბილისი პრაიდის" ინფორმაციით, ფესტივალის მონაწილეებმა ტერიტორია დატოვეს, რადგან სამართალდამცველებმა ტერიტორიის დაცვა ვერ შეძლეს.

გუშინ, 7 ივლისს "თბილისი  პრაიდმა" გაავრცელა განცხადება, რომელშიც ნათქვამი იყო, რომ დღეს, ქუჩის მსვლელობა არ ჩატარდებოდა, ფესტივალი კი გაიმართებოდა კერძო, დახურულ ტერიტორიაზე, დარეგისტრირებული სტუმრებისთვის და მას საგანმანათლებლო, კულტურული და სოციალური ხასიათი ექნებოდა.

გუშინვე განცხადება გაავრცელა შინაგან საქმეთა სამინისტრომაც და აღნიშნა, რომ ღონისძიების მშვიდ ვითარებაში ჩასატარებლად, პოლიციის დანაყოფები ყველა საჭირო ლოკაციაზე იქნებოდნენ მობილიზებულები.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.