"მთავარი არხის" დამფუძნებელმა, ნიკა გვარამიამ კლინიკა "ვივამედში" მყოფი საქართველოს მესამე პრეზიდენტი მიხეილ სააკაშვილი მოინახულა.

როგორც გვარამია კლინიკიდან გამოსვლის შემდეგ განაცხადა, სააკაშვილის ჯანმრთელობის მდგომარეობა კრიტიკულია.

გვარამიას თქმით, "არცერთი თავმოყვარე ქვეყანა, ამ შემთხვევაში კი უკრაინა არავის არ მისცემს შესაძლებლობას, რომ მის მოქალაქე მიხეილ სააკაშვილს ასე მოეპყრონ".

მანვე დასძინა, რომ სააკაშვილი უნდა წავიდეს უკრაინაში, ხოლო შემდეგ რას მოიმოქმედებს "საქართველოს პოლიტიკასთან დაკავშირებით, ეს არის მისი საქმე".

"უკრაინა არ მისცემს არავის სააკაშვილთან ასე მოპყრობის შესაძლებლობას, ყველამ უნდა ვიფიქროთ  უკრაინასთან ჩვენს მომავალ გეგმებზე, მათ შორის იმ გეგმებზე, როდესაც უკრაინა გაიმარჯვებს.

[ზელენსკის განცხადებას ელჩთან დაკავშირებით ] ამას გაგრძელება ექნება. ცხადია, ეს დასაწყისია ყველაზე რთული ეტაპის. თქვენ იცით, რომ ელჩის ქვეყნიდან გაშვება არის დასაწყისი მძიმე ეტაპის დიპოლმატიურ ურთიერთობებში. ჩვენ, სულ მცირე, უნდა გვეყოს გონიერება და სულ მცირე, პრაგმატული ხედვა იმისა, თუ რა გველოდება წინ და კარგი ჩვენ არაფერი არ გველოდება, რუსეთს ელოდება ძალიან ცუდი რაღაცები და თუ ჩვენ გვინდა, რომ მათ საფლავში ჩავყვეთ, მაშინ უნდა ვთქვათ, რომ არ გვაინტერესებს სახელმწიფო.

მიხეილ სააკაშვილი უნდა წავიდეს უკრაინაში. საქართველოს პოლიტიკასთან დაკავშირებით. ის რას გააკეთებს. ეს არის მისი საქმე", - განაცხადა გვარამიამ.

შეგახსენებთ, გუშინ, 3 ივლისს უკრაინის პრეზიდენტმა, ვოლოდიმირ ზელენსკიმ განაცხადა, რომ ქვეყნის დიპლომატიურ უწყებას დაავალა, გამოიძახოს საქართველოს ელჩი და მოსთხოვოს მას, ექსპრეზიდენტ მიხეილ სააკაშვილის კიევისთვის გადაცემის საკითხზე თბილისთან კონსულტაციების გამართვის მიზნით, ქვეყანა 48 საათის განმავლობაში დატოვოს. 

აღნიშნულის შემდეგ, დღეს, 4 ივლისს უკრაინის საგარეო საქმეთა სამინისტრომ გაავრცელა განცხადება, რომლის მიხედვითაც, უკრაინაში საქართველოს ელჩი გიორგი ზაქარეიშვილი დიპლომატიურ უწყებაში დაიბარეს და მიხეილ სააკაშვილის ჯანმრთელობის გაუარების გამო მკაცრი პროტესტი გამოხატეს.

განცხადების თანახმად, უკრაინის დიპლომატიურმა უწყებამ ზაქარეიშვილს შესთავაზა თბილისში დაბრუნება კონსულტაციების გასავლელად და შექმნილი სიტუაციიდან გამოსავლის მოსაძებნად.

ავტორი: ექსპრესნიუსი,

სოციალური ქსელები

საშუალო სკოლის მოსწავლეების საპროტესტო აქციები საფრანგეთში: რატომ გადაიზრდება მშვიდობიანი საპროტესტო აქციები ძალადობაში?

ერდოღანის რეჟიმმა დააკავა ჟურნალისტი რომელმაც 2024 წელს საქართველოში ლგბტქ+ ორგანიზაციებზე სტატია დაწერა

რეპრესიული კანონების გამო, პანკისის ხეობაში საგანმანათლებლო სასწავლო ცენტრი დაიხურა სადაც ქართულ ენას გაძლიერებულად ასწავლიდნენ

ესტონეთის ახალი თავდაცვის დოქტრინა არმიას ავალდებულებს, რუსეთი საზღვარზე შეაჩეროს.