2023-07-03 12:29:46, 785 ნახვა

---

„მიეცეს ევროკავშირის სამედიცინო მისიას სააკაშვილის მონახულების შესაძლებლობა“ - იუსტიციასთან აქცია იმართება

საქართველოს იუსტიციის სამინისტროსთან აქცია მიმდინარეობს. უწყებასთან "ერთიანი ნაციონალური მოძრაობის" წარმომადგენლები, ყოფილი პრეზიდენტის, მიხეილ სააკაშვილის მხარდამჭერები და სამოქალაქო აქტივისტები იმყოფებიან.

აქციის მონაწილეთა მთავარი მოთხოვნაა, რომ ევროკავშირის სამედიცინო მისიას მიხეილ სააკაშვილის მონახულების შესაძლებლობა მიეცეს.

"დაუყოვნებლივ გაგვცეს პასუხი მინისტრმა, რატი ბრეგაძემ, როდის შეუშვებენ ევროკავშირის სამედიცინო მისიას სააკაშვილთან - არა მხოლოდ ჩვენ, არამედ ევროკავშირის ელჩებს. დემარშის შემდგომ, მთელი ჩვენი ევროპელი პარტნორები ელოდებიან კონკრეტულ დღეს და არა ამ ბიუროკრატიულად, ხელოვნურად გაწელილ პროცესს",- აცხადებს "ერთიანი ნაციონალური მოძრაობის" პოლიტიკური საბჭოს წევრი ირაკლი ფავლენიშვილი.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი