თბილისის მერის კახა კალაძის განცხადებით, უსაფრთხოების საბჭოს მოწვევის საჭიროებას განსაზღვრავენ არა პოლიტიკოსები, არამედ ქვეყნის პრემიერ-მინისტრი, შესაბამისი სამსახურების მიერ მოპოვებულ უტყუარ ინფორმაციაზე დაყრდნობით.

როგორც მან შესაბამისი შეკითხვის საპასუხოდ განაცხადა, პირველ რიგში, ყოველთვის გატარებული იქნება ქვეყნისა და ხალხის ინტერესები.

„ცხადია, როდესაც მსოფლიოსა და რეგიონში გამოწვევებია, ჩვენი შესაბამისი სამსახურები ყველაფერს აკეთებენ იმისთვის, რომ პირველ რიგში, გვქონდეს სწორი, უტყუარი ინფორმაცია გარკვეულ საკითხებთან მიმართებაში. რაც შეეხება უსაფრთხოების საბჭოს მოწვევა-არმოწვევას, ამ გადაწყვეტილებას იღებს პრემიერ-მინისტრი იმ ინფორმაციაზე დაყრდნობით, რომელიც შემოდის შესაბამისი სამსახურების მხრიდან. ყოველთვის, რამდენად რთული მდგომარეობაც უნდა იყოს, პირველ რიგში გატარებული იქნება ჩვენი ქვეყნის და ხალხის ინტერესები“, - განაცხადა კალაძემ.

კალაძემ სამარცხვინო უწოდა იმ განცხადებებს, რომელიც წინა დღეებში აღნიშნულ საკითხთან დაკავშირებით, კონკრეტული პოლიტიკოსების მხრიდან ისმოდა.  

„სამარცხვინო იყო ის განცხადებები და თუნდაც სოციალურ მედიაში გავრცელებული სტატუსები კონკრეტული პოლიტიკოსების მხრიდან. საზოგადოება კიდევ ერთხელ დარწმუნდა, რომ ეს ადამიანები და პოლიტიკური დაჯგუფებები ძალიან საშიშნი არიან ჩვენი ქვეყნის მომავალისთვის“, - აღნიშნა კახა კალაძემ.

ავტორი: NS (სტატია დაფინანსებულია),

სოციალური ქსელები

სატვირთო მანქანების სომეხი მძღოლები, რომლებსაც კონიაკი გადაჰქონდათ, დაახლოებით ერთი თვეა ლარსზე იმყოფებიან: რუსული მხარე ექსპერტის შეფასებას ითხოვს

ნიუ-დელიში გამართულ საპროტესტო აქციაზე ოპოზიციის ლიდერები დააკავეს

ფავლენიშვილი- უპრეცედენტო შემთხვევაა ჩვენი ქვეყნის ისტორიაში, როდესაც ადამიანი თვითონ აცხადებს, რომ გახდა გაუპატიურების მსხვერპლი პენიტენციურ სისტემაში

ავთანდილ დავითაძე - ლევან იოსელიანი არა ხალხის და წამებული ადამიანის უფლებებს, არამედ ოცნების უფლებებს იცავს