|
2023-06-15 12:17:14, 1287 ნახვა
ეკონომიკა
„სოფლის განვითარების პროგრამის“ მხარდაჭერით, დედოფლისწყაროს მუნიციპალიტეტში ხის სათამაშოების მწარმოებელი საწარმო ამოქმედდა
დედოფლისწყაროს მუნიციპალიტეტში, კომპანიის „ცაცია ოსტატი“ ხის სათამაშოების მწარმოებელი საწარმო ამოქმედდა. სოფლის მეურნეობის სამინისტროს ცნობით, საწარმოს მოსაწყობად ინვესტიციის მოცულობამ 100 000 ლარზე მეტი შეადგინა, მათ შორის, "სოფლის განვითარების პროგრამის" თანადაფინანსება 79 000 ლარია. სოფლის განვითარების სააგენტოს დირექტორის მოადგილე ნატალია ხარატიშვილი, კახეთის მხარის სახელმწიფო რწმუნებული გიორგი ალადაშვილი, დედოფლისწყაროს მუნიციპალიტეტის მერი ნიკოლოზ ჯანიაშვილი და გაეროს განვითარების პროგრამის სოფლის განვითარების გაუმჯობესება საქართველოში კოორდინატორი გიორგი ციმინტია ახლადგახსნილ საწარმოში მიმდინარე სამუშაოებს გაეცნენ. საწარმოში 5 ადგილობრივია დასაქმებული და ყოველდღიურად 20 000 ცალ სათამაშოს ამზადებს. კომპანიის პროდუქცია ადგილობრივ ბაზარზე იყიდება; უახლოეს მომავალში იგეგმება პროდუქციის ექსპორტიც. „სოფლის განვითარების სააგენტოს პროგრამების ფარგლებში ფინანსური მხარდაჭერა არის საშუალება, რომ სოფლად მაცხოვრებელ მოსახლეობას დავეხმაროთ, შექმნან დოვლათი და ეკონომიკურად გაძლიერდნენ“, - აღნიშნა სოფლის განვითარების სააგენტოს დირეტორის მოდგილემ, ნატალია ხარატიშვილმა. გაეროს განვითარების პროგრამის „სოფლის განვითარების გაუმჯობესება საქართველოში“ კოორდინატორ გიორგი ციმინტიას განცხადებით, ევროკავშირი და გაეროს განვითარების პროგრამა უკვე მრავალი წელია ხელს უწყობს საქართველოში სოფლის განვითარებას, ახალი შესაძლებლობების შექმნას სოფლად მცხოვრები მოსახლეობისათვის. ამ ეტაპზე, პროექტის ფარგლებში, 500-ზე მეტი სამუშაო ადგილი შეიქმნა. „სოფლის განვითარების პროგრამა” ქედას, ხულოს, ბორჯომის, ახალქალაქის, თეთრიწყაროს, ყაზბეგის, ლაგოდეხისა და დედოფლისწყაროს მუნიციპალიტეტებში განხორციელდა. „სოფლის განვითარების პროგრამა“ სოფლის განვითარების სააგენტომ, ევროკავშირისა (EU) და გაეროს განვითარების პროგრამის (UNDP) მხარდაჭერით, „სოფლისა და სოფლის მეურნეობის განვითარების ევროპის სამეზობლო პროგრამის” (ENPARD) ფარგლებში განახორციელა. "სოფლის განვითარების პროგრამის" ფარგლებში, დაფინანსებულია 77 პროექტი, ინვესტიციის ჯამური ღირებულება 11 მლნ ლარს აჭარბებს, თანადაფინანსება 7.8 მილიონ ლარს აღემატება.
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
მამა ლევანი ჯიქური კორუფციაზე: ამდენი წურბელა რომ გეყოლება ქვეყანაში, რამდენს აიტანს
ცვლილებისთვის: ვმუშაობთ სირიის მიერ ოკუპირებული ტერიტორიების დამოუკიდებელ სახელმწიფოებად აღიარების გაუქმებაზე
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



