უკრაინამ შექმნა დივერსიული ჯგუფები რუსეთში და აწოდებს მათ დრონებს,  ქვეყნის შიგნით თავდასხმების ორგანიზებისთვის. - ამის შესახებ CNN-ს რამდენიმე ამერიკელმა ოფიციალურმა პირმა განუცხადა აშშ-ს დაზვერვის მონაცემებზე დაყრდნობით.

მათი თქმით, კერები დაკომპლექტებულია კარგად გაწვრთნილი ოპერატიულებითა და უკრაინის სიმპათიით, რუსული აგრესიის წინააღმდეგ ბრძოლაში. CNN-ის თანამოსაუბრეები ამბობენ, რომ სწორედ მათ განახორციელეს დრონებით თავდასხმა კრემლზე მაისის დასაწყისში, რუსეთის ტერიტორიიდან ამავე დრონების გაშვებით.

ვარაუდობენ, რომ უკრაინა მხარდამჭერებს საკუთარი წარმოების დრონებს აწვდის. არ არსებობს არანაირი მტკიცებულება, რომ დარტყმები განხორციელდა აშშ-ს მიერ მოწოდებული უპილოტო თვითმფრინავების მიერ, თქვა ორმა ამერიკელმა ოფიციალურმა პირმა. CNN-ის წყაროების თანახმად, უკრაინამ შექმნა კონტრაბანდის მარშრუტები რუსეთში, რომლის გასწვრივ აგზავნის დრონებს ან მათ კომპონენტებს შემდგომი კუსტარული აწყობისთვის.

უპილოტო თვითმფრინავების თავდასხმები რუსეთის ობიექტებზე ბოლო კვირების განმავლობაში გაიზარდა. როგორც ჩანს, ეს არის უკრაინელების „თვიანი ძალისხმევის კულმინაცია“ ასეთი დივერსიული აქტების ინფრასტრუქტურის ასაშენებლად, განუცხადა წყარომ CNN-ს.

უკრაინის უსაფრთხოების სამსახურმა CNN-ის კითხვებზე პასუხად განაცხადა, რომ „რუსეთში იდუმალი აფეთქებები და თვითმფრინავების თავდასხმები გაგრძელდება“.

საჯაროდ, შეერთებული შტატები გმობს დარტყმებს რუსეთის ტერიტორიაზე, ომის ესკალაციის შიშით. თუმცა, CNN-თან საუბრისას, ამერიკელმა ოფიციალურმა პირებმა განაცხადეს, რომ ისინი უპილოტო თვითმფრინავების თავდასხმებს განიხილავენ, როგორც "ჭკვიანურ სამხედრო სტრატეგიას", რომელიც საშუალებას მისცემს რუსეთს გადაიტანოს რესურსები საკუთარი ტერიტორიის დასაცავად, ხოლო უკრაინა ამზადებს კონტრშეტევას.

ავტორი: ექსპრესნიუსი,

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა