ბათუმის რესპუბლიკური-კლინიკური საავადმყოფო სერვისების გაფართოებას აგრძელებს. კლინიკას ამჯერად 50 საწოლზე გათვლილი პედიატრიული დეპარტამენტი დაემატა. აღნიშნულ ინფორმაციას აჭარის ჯანდაცვის სამინისტრო ავრცელებს.

უწყების ცნობით, გახნის ღონისძიებას აჭარის ჯანმრთელობისა და სოციალური დაცვის მინისტრი ნინო ნიჟარაძე, მინისტრის მოადგილეები, საქართველოს სამედიცინო ჰოლდინგის დირექტორი, ლადო შელია და აჭარის უმაღლესი საბჭოს ჯანმრთელობის დაცვის და სოციალურ საკითხთა კომიტეტის თავმჯდომარე, ილია ვერძაძე ესწრებოდნენ.

"დღეს სიმბოლურად, ბავშვთა დაცვის საერთაშორისო დღეს, ბათუმის რესპუბლიკური საავადმყოფოს ბაზაზე ფუნქციონირება დაიწყო პედიატრიულმა დეპარტამეტმა. აღნიშნული მიართულებით რეგიონში სერვისების გაფართოების საჭიროებას ნამდვილად წარმოადგენდა. განსაკუთრებით მაღალი მომართვა ფიქსირდება ტურისტული სეზონის მიმდინარეობისას, ასევე ზამთრის პერიოდში ვირუსული დაავადებების გააქტიურების დროს. მოხარული ვარ, რომ წელს, ბათუმში ჩამოსულ დამსვენებლებსა და ადგილობრივ მოსახლეობას, საჭიროების შემთხვევაში, ბავშვთა არსებულ სამედიცინო დაწესებულებთან ერთად, ბათუმის რესპუბლიკური საავადმყოფო მოემსახურება. ვულოცავ კლინიკას ამ სიახლეს, რაც  შექმნის კონკურენტ გარემოს და ხელს შეუწყობს სამედიცინო სერვისების კიდევ უფრო განვითარებას”, - აღნიშნა მინისტრმა, ნინო ნიჟარაძემ.

საავადმყოფოში ხელმისაწვდომია შემდეგი პედიატრიული მიმართულებები: ბავშვთა გადაუდებელი დახმარება, ზოგადი პედიატრია, კარდიორევმატოლოგია, ნეფროლოგია, ალერგოლოგია, ნევროლოგია, ტოქსიკოლოგია, გასტროენტეროლოგია, ბავშვთა ინფექციები,  ზოგადი ქირურგია,  ყბა-სახის  ქირურგია, ორთოპედია-ტრავმატოლოგია, ოტო-რინო-ლარინგოლოგია.  ასევე, უახლოეს პერიოდში დაემატება ბავშვთა რეანიმაცია.

პედიატრიულ  დეპარტამენტს 37 წლიანი სამუშაო გამოცდილების მქონე პედეატრი, ბავშვთა კარდიორევმატოლოგი, თამაზ სურმანიძე უხელმძღვანელებს.

202 საწოლზე გათვლილი ბათუმის რესპუბლიკური-კლინიკური საავადმყოფოს ახალი შენობა 2020 წელს გაიხსნა, თავდაპირველად დაწესებულება კოვიდ აპაციენტებს ემსახურებოდა, მოგვანებით დაემატა სხვადასხვა სერვის და ამჟამად მრავალპროფილური სამედიცინო დაწესებულების სტატუსით ფუნქციონირებს.

ავტორი: NS (სტატია დაფინანსებულია),

სოციალური ქსელები

Global Finance: საქართველოს ბანკი რეგიონში საუკეთესო სამომხმარებლო ციფრული ბანკია ონლაინ პროდუქტების შეთავაზების და დაკრედიტების მიმართულებით

შენი ავტოსაჭიროებები ერთ სივრცეში - მობაილბანკში ავტო კომფორტი განახლდა

რა იცვლება დაგროვებითი პენსიის შესახებ კანონში

81 ათასი ოჯახი ქონების გადასახადს აღარ გადაიხდის - შემოსავლების სამსახურის უფროსი