ვაზისა და ღვინის საერთაშორისო ორგანიზაციის (OIV) ღვინის მენეჯმენტის სამაგისტრო პროგრამის სტუდენტები საქართველოში იმყოფებიან და  ქართული ღვინის კულტურასა და თანამედროვე მეღვინეობას  ეცნობიან.

სტუდენტებმა ღვინის ეროვნული სააგენტოს მუზეუმი დაათვალიერეს, სადაც მათ ღვინის ეროვნული სააგენტოს თავმჯდომარის მრჩეველმა ირაკლი ჩოლობარგიამ უმასპინძლა და ქართული ღვინის კულტურის შესახებ პრეზენტაცია წარადგინა.

"ტურის ფარგლებში, მაგისტრანტები ეწვევიან ქართლს, კახეთს, სადაც გაეცნობიან ქართული ღვინის მწარმოებელ კომპანიებს, ქვევრის დამზადების ტექნოლოგიას, დააგემოვნებენ სხვადასხვა სახეობის ქართულ ღვინოებს.  

სამაგისტრო პროგრამის სტუდენტები მეღვინეობის დარგს სხვადასხვა ქვეყანაში ეცნობიან.   
OIV-ის ღვინის მენეჯმენტის, სამაგისტრო პროგრამის სტუდენტების, საქართველოში ვიზიტი, მნიშვნელოვანია ქართული ღვინისა და ღვინის კულტურის საერთაშორისო მასშტაბით პოპულარიზაციისა და ცნობადობის გაზრდის კუთხით, რადგან ჯგუფის წევრები მსოფლიოს სხვადასხვა ქვეყანას წარმოადგენენ.

ვაზისა და ღვინის საერთაშორისო ორგანიზაციამ (OIV) აღნიშნულ სასწავლო პროგრამაში, სავიზიტო ქვეყნების სიაში საქართველო  2016 წლიდან ჩართო",- ნათქვამია ღვინის ეროვნული სააგენტოს ინფორმაციაში.

ავტორი: NS (სტატია დაფინანსებულია),

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს