ჩარკვიანი უმრავლესობას - რევოლუცია მინდა? - აბა, მანდ გაგაჩერებთ თქვენ? აბა, დამოუკიდებლობას წაგართმევინებთ? [ვიდეო]

2023-05-30 15:33:54, 775 ნახვა

პოლიტიკა

რევოლუცია მინდა? აბა, მანდ გაგაჩერებთ თქვენ? აბა, დამოუკიდებლობას წაგართმევინებთ?- ასე მიმართა პარტია „კანონი და სამართლის“ ლიდერმა, თაკო ჩარკვიანმა "ქართული ოცნების" დეპუტატებს პარლამენტის პლენარულ სხდომაზე.

ჩარკვიანმა სიტყვით გამოსვლისას მმართველი უმრავლესობის წევრებს რადიკალები უწოდა.

"თქვენ ხომ რადიკალიზმი გგონიათ, როცა მე კონსტიტუციას ვიცავ, არა, რადიკალები ხართ თქვენ, ვინც კონსტიტუციას არღვევთ, ვინც ბედავს, რომ საქართველოს დამოუკიდებლობის სანაცვლოდ, შესთავაზოთ რუსეთის ორბიტაზე დაბრუნება. რატომ ვარ ახლა მშვიდად? იმიტომ, რომ გამორიცხულია, რევოლუცია იქნება, თუ რაც იქნება, მიიღებთ, აბა რას იზამთ. ვინ გითხრათ, რომ ამ სიტყვის მეშინია. რას ჰქვია, ქვეყანას მართმევთ და რუსეთის ორბიტაზე გინდათ გადაყვანა. დაგიჩემებიათ ეს 11 წელი, მოსულები ხართ აქ, რა გირგვლიანი, სად იყო ოხანაშვილი, მე რომ გირგვლიანის გამო ვიდექი ქუჩაში. უკვე საქართველოს სახელმწიფოებრიობას ეხება ეს. რევოლუცია მინდა? აბა, მანდ გაგაჩერებთ თქვენ? აბა დამოუკიდებლობას წაგართმევინებთ? როგორ გეკადრებათ, ქუჩაში დავდგებით და უბედურება თქვენ კისერზე იქნება, სისხლს დაღვრის ქართველი ხალხი და დამოუკიდებლობას არ დატოვებს. არ იცით ეს? თუ სუბარის ჭკუაზე უნდა იყოთ? ინდაური რომ გვყავს თავის დროზე გაშვებული მის ეზოში, იმიტომ, რომ ვერ იყო კარგი უფლების დამცველი, ზუსტად იმ გირგვლიანის დროს, ვიდრე ჭკუაზე მოვიდოდა.

ჩვენ თვალწინ გაიარა გირგვლიანის თემამ, მე არ მესწავლება, მაგრამ სააკაშვილს არ უთქვამს, წაიყვანეთ ოქროყანაში და მოკალითო, ბრმები არ ვართ, კარგად ვიცით, იქ, სტრასბურგში რაც ხდებოდა და რაც წერია. დიახ, შეწყალების დროს, როცა შეუტანეს სია, იმის გამო სთხოვენ პასუხს. მან უთხრა, მოკალით გირგვლიანიო? მართლა არანორმალურებად ხომ არ იქეცით იმიტომ, რომ რუსეთის მონები ხართ აქ. შემირცხვენია თქვენი ქართველობა, რას ჰქვია, სიტყვა რევოლუციის მეშინია, აბა დამოუკიდებლობაზე რომ იქნება ლაპარაკი, თქვენმა მზემ, მანდ გაგაჩერებთ ზუსტად, აბა, დამოუკიდებლობას დაგაკარგვინებთ?"- მიმართა ჩარკვიანმა მმართველი პარტიის დეპუტატებს.