საქართველოს პრემიერ-მინისტრმა კატარში უბრალოდ ამაზრზენი განცხადება გააკეთა,- ასე აფასებს უკრაინის რადას დეპუტატი ოლექსეი გონჩარენკო კატარის ყოველწლიური ეკონომიკური ფორუმის ფარგლებში გამართულ პანელურ დისკუსიაზე საქართველოს პრემიერ-მინისტრის, ირაკლი ღარიბაშვილის გამოსვლას.

გონჩარენკოს თქმით, ღარიბაშვილი საქართველოს რუსეთის ფედერაციისკენ "მიათრევს".

"საქართველოს პრემიერ-მინისტრმა, ირაკლი ღარიბაშვილმა კატარში უბრალოდ ამაზრზენი განცხადება გააკეთა. მას არ სურს სანქციები რუსეთის წინააღმდეგ; წუწუნებს, რომ ევროკავშირი რუსეთთან ვაჭრობს (თუმცა სინამდვილეში ბრუნვა იკლებს) და ესაა ერთგვარი მიზეზი საქართველოსთვის, რომ გაზარდოს ვაჭრობა რუსეთთან. რა თქმა უნდა, მან "უკრაინელი პოლიტიკოსები" დაადანაშაულა, რომ მათ სურთ "საქართველო კონფლიქტში ჩაითრიონ".

ირაკლი, თქვენი ტერიტორიის ნაწილი ოკუპირებულია რუსეთის მიერ. ჩვენიც, მაგრამ ჩვენ ვიბრძვით, რომ ეს გამოვასწოროთ, თქვენ კი თქვენ ქვეყანას რუსეთის ფედერაციისკენ მიათრევთ, რომ მან ყველაფერი დაიკავოს.

რა თქმა უნდა, ეს მხოლოდ ვაჭრობას შეეხება - ირაკლი ყიდის თავის თავს რუსეთის საელჩოში და მას სურს, რომ მთელი საქართველო ასე მოიქცეს",- წერს გონჩარენკო. 

ავტორი: ექსპრესნიუსი,

სოციალური ქსელები

ტრამპი საფრანგეთში სკოლებში გამართული საპროტესტო აქციების შესახებ: ისლამი ოდესღაც დიდებული ქვეყნის დაპყრობას ცდილობს

სოჭის სანაპიროსთან ნავთობის ტანკერი AFRAMAX RIO იწვის - ვიდეო

ევროკომისიამ გაფართოებისთვის მოსამზადებელი დოკუმენტები მიიღო სადაც საქართველო აღარ განიხილება

მარტა კოსი- საქართველო კანდიდატი ქვეყანა მხოლოდ ქაღალდზეა