უზენაესი სასამართლოს თავჯდომარის თანამდებობაზე პრეზიდენტისთვის წარდგენილი კანდიდატურების სრული სია საზოგადოებისთვის მაქსიმუმ ზეგ გახდება ცნობილი.

ამის შესახებ ადამიანის უფლებებისა და მართლმსაჯულების საკითხებში  პრეზიდენტის  მრჩეველმა კახა კოჟორიძემ განაცხადა.

მისივე განმარტებით, ამის შემდეგ უკვე კანდიდატურების შერჩევის პროცესი გაგრძელდება და პრეზიდენტი კვლავ მზადაა, ამ პროცესში დაინტერესებულ ჯგუფებთან კონსულტაციები გამართოს.

„დღეს, 19:00  საათზე პრეზიდენტის ადმინისტრაციაში  კანდიდატურების წარდგენა დამთავრდება. ამის შემდეგ,  მაქსიმუმ ზეგ საზოგადოებას გავაცნობთ სრულ სიას, თუ რომელი კანდიდატები არიან დასახელებულები და ვინ არიან დამსახელებლები. ამის შემდეგ შერჩევის პროცესი გაგრძელდება და ამ პროცესში პრეზიდენტი კვლავ გამოთქვამს მზადყოფნას, კონსულტაციები სხვადასხვა დაინტერესებულ ჯგუფთან გაგრძელდეს. ყველაფერს გავაკეთებთ, რომ რომელი კანდიდატიც იქნება დასახელებული, იყოს ღირსეული და შესაბამისობაში გაჟღერებულ კრიტერიუმებთან“, – აღნიშნა კოჟორიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა