|
2023-05-16 13:52:57, 1045 ნახვა
ეკონომიკა
შემოსავლების სამსახური OECD-ის საერთაშორისო კონფერენციას მასპინძლობს
15-16 მაისს, სასტუმროში „ბილტმორ თბილისი" ფინანსთა სამინისტროს შემოსავლების სამსახური მასპინძლობს ეკონომიკური თანამშრომლობისა და განვითარების ორგანიზაციის (OECD) გამჭვირვალობისა და ინფორმაციის გაცვლის გლობალური ფორუმის (გლობალური ფორუმი) კომპეტენტურ უწყებათა რიგით მე-10 ყოველწლიურ კონფერენციას. შემოსავლების სამსახურის ცნობით, აღნიშნული კონფერენცია საგადასახადო ადმინისტრაციებს შორის, საგადასახადო ინფორმაციის გაცვლის სტანდარტების განხილვას ეძღვნება. ღია დისკუსიის ფორმატში, მონაწილეები ერთმანეთს გაუზიარებენ მოსაზრებებსა და წარმატებულ გამოცდილებას. კონფერენცია გახსნეს და მონაწილეებს მისასალმებელი სიტყვით მიმართეს შემოსავლების სამსახურის უფროსმა ლევან კაკავამ და გლობალური ფორუმის სამდივნოს ხელმძღვანელმა ზაიდა მანატამ. შემოსავლების სამსახურის უფროსმა ინფორმაციის გაცვლის მნიშვნელობაზე გაამახვილა ყურადღება და წევრ სახელმწიფოებს შორის, თანამშრომლობის აუცილებლობაზე ისაუბრა. "ჩვენ, სრულად უნდა გავაცნობიეროთ, თუ რა მიზანს ემსახურება ჩვენი შეხვედრა. ეს მიმართულებებია: ინფორმაციის გაცვლის სტანდარტები და მათგან გამომდინარე ფორმალობები, ასევე საგადასახადო ადმინისტრაციებს შორის მჭიდრო თანამშრომლობა. ურთიერთდახმარების გარეშე ჩვენ ვერ გავუმკლავდებით იმ გამოწვევებს, რომელთა წინაშეც დღეს ყველანი აღმოვჩნდით. საგადასახადო ადმინისტრაციებს მნიშვნელოვანი როლი გვაკისრია, რათა ერთის მხრივ მაქსიმალურად შევძლოთ სახელმწიფო ბიუჯეტში გადასახადების მობილიზება, ხოლო მეორე მხრივ ხელი შევუწყოთ და გავუმარტივოთ საქმიანობა ბიზნეს ოპერატორებს. მინდა აღვნიშნო, რომ ბოლო 2 წლის განმავლობაში მნიშვნელოვანი ნაბიჯები გადავდგით მოთხოვნის საფუძველზე ინფორმაციის გაცვლის სტანდარტის უკეთ განხორციელებისთვის. 90 დღეში, უკვე შესაძლებელია გავცეთ პასუხი შემოსული მოთხოვნების აბსოლუტურ უმრავლესობაზე. ჩვენ ძალიან გვახარებს აღნიშნული შედეგი. დასასრულს, მინდა მადლობა გადავუხადო გლობალური ფორუმის სამდივნოს ჩართულობისა და თანმშრომლობისთვის",- განაცხადა ლევან კაკავამ. შეხვედრას, ესწრებიან გლობალური ფორუმის 81 წევრი ქვეყნის მაღალი თანამდებობის პირები. კონფერენციის ფარგლებში, გლობალური ფორუმის სამდივნოს ხელმძღვანელი ზაიდა მანატა გამართავს ორმხრივ შეხვედრებს ფინანსთა სამინისტროსა და შემოსავლების სამსახურის ხელმძღვანელ პირებთან.
კალაძე საცობებზე - გზების გაფართოებისა და ესტაკადების მშენებლობის ეფექტი დროებითია
კალაძე საცობებზე - უნდა გვესმოდეს ერთი მარტივი რამ, ქალაქის ქუჩების სივრცე უსასრულო არ არის
დეკანოიძე - საკონსტიტუციო სასამართლოს მოსამართლეები განსაკუთრებული აგრესიით, ფაქტების უგულებელყოფითა და აშკარა მიკერძოებით განიხილავენ მართლმსაჯულების რეფორმის ერთ-ერთ მნიშვნელოვან კომპონენტს
მამა ლევანი ჯიქური კორუფციაზე: ამდენი წურბელა რომ გეყოლება ქვეყანაში, რამდენს აიტანს
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: NS (სტატია დაფინანსებულია),



