„უნდა ვაღიაროთ, რომ დროსთან, ეპოქასთან საკმაოდ მნიშვნელოვანი ჩამორჩენა გვაქვს“,-ამის შესახებ პარლამენტის თავმჯდომარე დავით უსუფაშვილმა კოალიცია დამოუკიდებელი და გამჭვირვალე  მართლმსაჯულებისათვის პროკურატურისა და შინაგან საქმეთა სამინისტროს  რეფორმების საკითხზე მოწყობილ მე-11 საზოგადოებრივი ფორუმის გახსნისას განაცხადა.

მისივე განმარტებით, დროსთან ჩამორჩენა არა რომელიმე პოლიტიკური მუშაკის ბრალია, არამედ ეს საზოგადოების განვითარების იმ ლოგიკის ბრალია, რომელშიც ჩვენ აღმოვჩნდით.

„უნდა ვაღიაროთ, რომ გვაქვს დროსთან, ეპოქასთან საკმაოდ მნიშვნელოვანი ჩამორჩენა. ეს არ არის ერთ-ერთი რომელიმე კონკრეტული ხელისუფლების ბრალი,  ეს არ არის რომელიმე ხელმძღვანელი მუშაკის ბრალი ან მინსიტრის.   ეს არის საზოგადოების განვითარების იმ ლოგიკის ბრალი, რომელშიც  შესაძლოა 20 წლის წინ აღმოვჩნდით,  რომელმაც დღემდე ფუნდამენტური საკითხების მოგვარება ვერ შეგვაძლებინა. ბევრი რამ შეიძლებოდა გაკეთებულიყო ადრე, მაგრამ მგონია, რომ სწორედ 2015 წლის 9 თებერვლიდან  ჩვენი პოლიტიკური ძალის დარჩენილი ვადის ამოწურვამდე, ზუსტად იმდენი დროა დარჩენილი, რაც საჭიროა ყველა იმ საკითხის ერთხელ და სამუდამოდ სწორად გადასაწყვეტად.  უბრალოდ არც ერთი წუთი აღარ უნდა დავკარგოთ, მონდომებით უნდა ვიმუშაოთ, არ უნდა გადავდოთ იმის გაკეთება რაც გასაკეთებელია. ეს იმას არ ნიშნავს, რომ რამე არ გაკეთებულა, პროგრესი აშკარაა, სერიოზული ცვლილებები მოხდა, მაგრამ ჩვენ გვჭირდება დამოუკიდებელი და ეფექტური პროკურატურა“,-განაცხადა დავით უსუფაშვილმა.

საზოგადოებრივი ფორუმი პროკურატურისა და შსს-ს რეფორმის საკითხზე  აშშ-ს ელჩმა საქართველოში რიჩარდ ნორლანდმა და დავით უსუფაშვილმა გახსნეს.

ფორუმს კოალიცია დამოუკიდებელი და გამჭვირვალე მართლმსაჯულებისათვის მართავს. ფორუმზე მთავრობისა და სამოქალაქო საზოგადოების წარმომადგენლები, პროკურატურისა და შსს-ს რეფორმის საკითხზე მსჯელობენ. კოალიცია წარმოადგენს რეკომენდაციებს, რომელთა მიზანია პროკურატრის დამოუკიდებლობის, ეფექტურობისა და ანგარიშვალდებულების ამაღლება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა

უკრაინელი და ქართველი ადამიანის უფლებათა დამცველი ალექსანდრა დელემენჩუკი გარდაიცვალა